Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightകോവിഡ്​ സാമ്പത്തിക...

കോവിഡ്​ സാമ്പത്തിക പ്രതിസന്ധി; ഇസ്രായേലിൽ ആയിരങ്ങൾ തെരുവിൽ

text_fields
bookmark_border
കോവിഡ്​ സാമ്പത്തിക പ്രതിസന്ധി; ഇസ്രായേലിൽ ആയിരങ്ങൾ തെരുവിൽ
cancel

തെൽഅവീവ്​: കോവിഡ്​ നിയന്ത്രണങ്ങളിൽ പൊറുതി മുട്ടി ഇസ്രായേലിൽ ആയിരങ്ങൾ തെരുവിൽ. കോവിഡ്​ ലോക്​ഡൗണിലുണ്ടായ പ്രതിസന്ധി മറികടക്കാൻ സർക്കാർ പ്രഖ്യാപിച്ച സാമ്പത്തിക ഉത്തേജന പദ്ധതികൾ താഴെതട്ടിലേക്കെത്തുന്നില്ലെന്ന്​ ആരോപിച്ചാണ്​ ജനം തെൽഅവീവിലെ റബിൻ സ്​ക്വയറിൽ ഒത്തുകൂടിയത്​. 

സർക്കാർ ലോക്​ഡൗൺ കാലയളവിൽ പ്രഖ്യാപിച്ച സഹായ സ്​കീമുകളൊന്നും ഗുണഭോക്​താക്കളിലേക്ക്​ പൂർണമായി എത്തിയിട്ടില്ലെന്ന്​ പ്രക്ഷോഭകർ പറയുന്നു. തൊഴിലാളികളും ചെറുകിട സംരംഭകരും, കലാകാരന്മാരുമായിരുന്നു പ്രക്ഷോഭത്തിന്​ നേതൃത്വം നൽകിയതിൽ അധികവും. 

ബിൻ സ്​ക്വയറിൽ കോവിഡ്​ പ്രോ​ട്ടോകോൾ ലംഘിച്ച്​​ എത്തിയ പ്രക്ഷോഭകർ ​പൊലീസുമായി കൊമ്പുകോർത്തു. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു പ്രക്ഷോഭകരുമായി സംസാരിച്ചതായും പ്രശ്​നങ്ങൾ പരിഹരിക്കാമെന്ന്​ ഉറപ്പ്​ നൽകിയതായും അന്താരാഷ്​ട്ര മാധ്യമങ്ങൾ റിപ്പോർട്ട്​ ചെയ്യുന്നു. 

കോവിഡ്​ മഹാമാരി ഭീതി നിലനിൽക്കെ സർക്കാറിനെ വെല്ലുവിളിച്ച്​ നടത്തിയ പ്രക്ഷോഭം അധികാരികളെ പ്രതിസന്ധിയിലാക്കിയിട്ടുണ്ട്​. ‘ആരോഗ്യ ഭീകരവാദ പ്രവർത്തനം’ എന്നാണ്​ ആരോഗ്യമന്ത്രാലയം പ്രതിഷേധ സംഗമത്തെ വിശേഷിപ്പിച്ചത്​. 

കോവിഡ്​ കാരണം എട്ടു ലക്ഷത്തോളം ആളുകൾക്ക്​ രാജ്യത്ത്​ ജോലി നഷ്​ടമായതായാണ്​ കണക്ക്​. ചെറുകിട സംരംഭകരെയും കൂലിത്തൊഴിലാളികളെയുമാണ്​ ലോക്​ഡൗണും പിന്നാലെയുള്ള കോവിഡ്​ നിയന്ത്രണങ്ങളും കാര്യമായി ബാധിച്ചത്​. 40,000ത്തോളം കോവിഡ്​ കേസുകൾ റിപ്പോർട്ട്​ ചെയ്യപ്പെട്ട രാജ്യത്ത്​ 358 മരണങ്ങളാണുണ്ടായത്​. 


 

Show Full Article
TAGS:covid israil ecnomic crisis 
Next Story