തായ്​ലാൻഡിൽ 188 പേർക്ക്​ കൂടി കോവിഡ്​; രോഗികളുടെ എണ്ണം 600 ആയി

ബാ​ങ്കോക്ക്​: തായ്​ലാൻഡിൽ പുതുതായി 188 പേർക്ക്​ കൂടി കോവിഡ്​ 19 സ്ഥിരീകരിച്ചു. ഇതോടെ തായ്​ലാൻഡിലെ രോഗബാധിതരുടെ എണ്ണം 600 ആയി. കോവിഡ്​ രോഗബാധിതരുടെ എണ്ണത്തിൽ തായ്​ലാൻഡിൽ കഴിഞ്ഞ ദിവസം വൻ വർധനയാണുണ്ടായത്​.

മുമ്പ്​ കോവിഡ്​ സ്ഥിരീകരിച്ചവരുമായി ബന്ധപ്പെട്ടവർക്കാണ്​ രോഗബാധയുണ്ടായിരിക്കുന്നത്​. ബാ​ങ്കോക്കിലാണ്​ രോഗബാധിതർ ഏറ്റവും കൂടുതൽ. യുവാക്കളുൾപ്പടെയുള്ളവർ പൊതുസമ്പർക്കം ഒഴിവാക്കാത്തത്​ തായ്​ലാൻഡിൽ സ്ഥിതി രൂക്ഷമാക്കുന്നുണ്ട്​. സുരക്ഷക്കായി ജനങ്ങൾ വീടുകളിൽ തന്നെ കഴിയണമെന്ന്​ തായ്​ലാൻഡ്​ ആരോഗ്യപ്രവർത്തകർ പറഞ്ഞു.