താ​യ്​​ല​ൻ​ഡി​ൽ സൈ​ന്യ​ത്തി​െൻറ  പു​തി​യ ഭ​ര​ണ​ഘ​ട​ന​ക്ക്​ അം​ഗീ​കാ​രം

ബാേങ്കാക്: തായ്ലൻഡിൽ മൂന്നു വർഷം മുമ്പ് സൈനിക അട്ടിമറിയിലൂെട അധികാരത്തിലെത്തിയ പട്ടാള ഭരണകൂടം തയാറാക്കിയ ഭരണഘടനക്ക് രാജാവ് മഹാ വജിരലോങ്കോണി​െൻറ അംഗീകാരം. പുതിയ ഭരണഘടനയിൽ അദ്ദേഹം അടുത്ത ദിവസംതന്നെ ഒപ്പുവെക്കും. പ്രതിപക്ഷത്തി​െൻറ കനത്ത പ്രതിഷേധങ്ങൾക്കിടെയാണ് ഭരണഘടന സംബന്ധിച്ച ചർച്ചകൾ പുരോഗമിക്കുന്നത്. 

പുതിയ ഭരണഘടന രാഷ്ട്രീയ അസ്ഥിരത ഒഴിവാക്കാൻ സഹായിക്കുമെന്നാണ് രാജ്യഭരണം ൈകയാളുന്ന സൈന്യത്തി​െൻറ വാദം. എന്നാൽ, സൈന്യത്തി​െൻറ സ്വാധീനം കൂടുതൽ ശക്തമാക്കാനുള്ള നീക്കമാണിതെന്ന് വിമർശനമുയർന്നിട്ടുണ്ട്. രാജ്യത്ത് 1932നു ശേഷം അംഗീകാരം നൽകുന്ന 20ാമത്തെ ഭരണഘടനയാണിത്. പുതിയ ഭരണഘടന തെരഞ്ഞെടുപ്പ് പ്രവർത്തനങ്ങൾ പുനഃസ്ഥാപിക്കാൻ ഉപകരിക്കുമെന്ന് സൈന്യം പറഞ്ഞു. അഴിമതിക്കാരായ രാഷ്ട്രീയക്കാർക്കെതിരെ നടപടിയെടുക്കാൻ ഭരണഘടനയിൽ വ്യവസ്ഥയുണ്ട്. രാജ്യത്തി​െൻറ വളർച്ചക്ക് 20 വർഷത്തേക്കുള്ള പദ്ധതി തയാറാക്കുമെന്നും സൈന്യം കൂട്ടിച്ചേർത്തു. 

എന്നാൽ, തെരഞ്ഞെടുപ്പ് നടക്കാൻ പോകുന്നില്ലെന്നും തെരഞ്ഞെടുക്കപ്പെട്ടവർക്കു മേൽ കടുത്ത നിയന്ത്രണങ്ങൾ തുടരാൻ മാത്രമേ പുതിയ ഭരണഘടന സഹായിക്കൂവെന്നും  പ്രതിപക്ഷം ആരോപിച്ചു. പുതിയ ഭരണഘടന 1997ലെ രാജ്യത്തി​െൻറ ഏറ്റവും സ്വതന്ത്ര ഭരണഘടനയിയുടെ നേർ വിപരീതമാണെന്ന് ചുലലോങ്കോൺ സർവകലാശാലയിലെ രാഷ്ട്രീയ വിദഗ്ധൻ തിടിനാൻ പോക്ഷ്സുധിരക് അഭിപ്രായപ്പെട്ടു. പുതിയ ഭരണഘടന രാജ്യത്തി​െൻറ ജനാധിപത്യത്തിലേക്കുള്ള തിരിച്ചുവരവ് വേഗത്തിലാക്കുമെന്ന് പുറത്താക്കിയ പ്രധാനമന്ത്രി യിങ്ലക് ഷിനാവത്ര പറഞ്ഞു. അധികാരത്തിൽനിന്ന് പുറത്തായ ഇവർ വിചാരണ കാത്തിരിക്കുകയാണ്.