തായ്​ലാന്‍റ്: ഗുഹയിലുള്ള കുട്ടികളെ നാലു ദിവസത്തിനുള്ളിൽ പുറത്തെത്തിക്കാൻ നീക്കം

ബാ​േങ്കാക്ക്​: തായ്​ലാൻറിലെ ഗുഹയിൽ കുടുങ്ങിയ കുട്ടികളെ നാലു ദിവസത്തിനുള്ളിൽ പുറത്തെത്തിക്കാൻ തായ്​ അധികൃതരു​െട ശ്രമം. നേരത്തെ, നാലു മാസത്തിനു ശേഷം മാത്രമേ കുട്ടികളെ പുറത്തെത്തിക്കാനാകൂവെന്നായിരുന്നു തായ്​ സേന അറിയച്ചത്​​. മഴ ശക്​തമായതിനാലാണ്​ നാലു മാസം വരെ കുട്ടികൾ ഗുഹയിൽ തന്നെ കഴിയേണ്ടി വരുമെന്ന്​ അധികൃതർ കണക്കുകൂട്ടിയത്​. എന്നാൽ, മഴ അതിശക്​തമാവുമെന്ന പ്രവചനവും ഗുഹക്കുള്ളിൽ വിഷവായു നിറയുന്നതും കുട്ടികളുടെ ജീവന്​ ഭീഷണി ഉയർത്തിയിരിക്കുകയാണ്​. ഇൗ സാഹചര്യത്തിലാണ്​ നാലു ദിവസത്തിനകം കുട്ടികളെ പുറത്തെത്തിക്കാനുള്ള നീക്കം അധികൃതർ ഊർജിതമാക്കുന്നത്​. 

ഗുഹയി​െല വെള്ളം പമ്പു ചെയ്​ത്​ ഒഴിവാക്കുന്ന നടപടി വിജയകരമായി പുരോഗമിക്കുന്നുണ്ട്​. നിലവിൽ മഴ ​െപയ്യുന്നുണ്ടെങ്കിലും ജലനിരപ്പ്​ ഉയരുന്നത്​ നിയന്ത്രിക്കാൻ സാധിക്കുന്നുണ്ടെന്ന്​ അധികൃതർ അറിയിച്ചു. എന്നാൽ, വരും ദിവസങ്ങൾ മഴ കൂടുതൽ ശക്​തമാകുമെന്നാണ്​ കാലാവസ്​ഥാ പ്രവചനം. അങ്ങനെ വന്നാൽ രക്ഷാപ്രവർത്തനം ദുഷ്​ക്കരമാകും. അതിനാൽ വരുന്ന മൂന്ന്,​ നാല്​ ദിവസങ്ങളാണ്​ കുട്ടികളെ രക്ഷിക്കുന്നതിന്​ ഏറ്റവും യോജിച്ച സമയമെന്ന്​ ചിയാങ്​ റായ്​ പ്രവിശ്യാ ഗവർണർ നരോങ്​സാക്​ ഒസറ്റനകോൻ പറഞ്ഞു. 

കഴിഞ്ഞ ദിവസം ഒാക്​സിജൻ സാന്നിധ്യം 15 ശതമാനത്തിലേക്ക്​ താഴ്​ന്നിരുന്നു. ആരോഗ്യകരമായ അന്തരീക്ഷത്തിന്​ 21 ശതമാനമെങ്കിലും ഒാക്​സിജൻ ആവശ്യമാണ്​. കഴിഞ്ഞ ദിവസം രക്ഷാപ്രവർത്തകൻ മരിച്ചതും ഒാക്​സിജ​​​​​​​െൻറ അഭാവം മൂലമായിരുന്നു. 12 ശതമാനത്തിലും താഴേക്ക്​ ഒാക്​സിജൻ നില താഴ്​ന്നാൽ അത്​ കുട്ടികളുടെ ത​ലച്ചോറി​െന തന്നെ ബാധിക്കുമെന്ന്​ ഗവർണർ മുന്നയിപ്പ്​ നൽകി. 

ഗുഹക്കുള്ളിൽ കാർബൺ മോണോക്​സൈഡി​​​​​​​െൻറ അളവ്​ വർധിക്കുന്നതാണ് മറ്റൊരു പ്രശ്​നം​. നൂറുകണക്കിന്​ രക്ഷാപ്രവർത്തകർ ഗുഹക്കുള്ളിൽ പ്രവർത്തിക്കുന്നതിനാൽ അവർ പുറത്തു വിടുന്ന കാർബൺ മോണോക്​സൈഡ്​ എന്ന വിഷവായു കുട്ടികളുടെ രക്​തത്തെയും മലിനീകരിക്കും. ഗുഹക്കുള്ളിൽ ജലനിരപ്പ്​ വർധിക്കുന്നതാണ്​ മറ്റൊരു പ്രശ്​നം. നിലവിൽ തന്നെ ഇവർ 10 ചതുരശ്ര മീറ്ററിനുള്ളിലാണ്​ നിൽക്കുന്നത്​. വെള്ളം അവരു​െട അടുത്തെത്താൻ അധികസമയം വേണ്ടെന്നാണ്​ റിപ്പോർട്ടുകൾ. 

ജലനിരപ്പ്​ കുറക്കാൻ വേണ്ട നടപടികൾ ഉൗർജിതമായി നടക്കുന്നുണ്ട്​. മഴ പെയ്യുന്നതിനനുസരിച്ചായിരിക്കും കുട്ടികളെ പുറത്തെത്തിക്കുന്നതിനുള്ള നടപടികൾ സ്വീകരിക്കുക. കുട്ടികളെ രക്ഷപ്പെടുത്താൻ ഏറ്റവും നല്ലത്​ ഗുഹയിൽ ഒട്ടും വെള്ളമില്ലാത്ത അവസ്​ഥയാണ്​. എന്നാൽ, അതിന്​ ഡിസംബർ-ജനുവരി വരെ കാത്തിരിക്കേണ്ടി വരും. അതിനാൽ അത്​ വേണ്ടെന്ന്​ വെച്ച്​ ജലനിരപ്പ്​ കുറഞ്ഞ സമയത്ത്​ അവരെ പുറത്തുകൊണ്ടു വരിക എന്നതാണ്​ സ്വീകാര്യ​െമന്ന്​ ഗവർണർ വ്യക്​തമാക്കി.