തായ്​വാനിലെ ജനാധിപത്യം ചൈനീസ്​ ഭീഷണിയിലെന്ന്​ പ്രസിഡൻറ്​

തായ്​പെയ്​: രാജ്യത്തെ ജനാധിപത്യ സംവിധാനം എതിരാളികളായ ചൈനയുടെ നേരിട്ടുള്ള ഭീഷണിയിലാണെന്ന്​ തായ്​വാൻ പ്രസിഡൻറ്​ സായ്​ ഇങ്​ വെൻ പറഞ്ഞു. ഇതി​െന പ്രതിരോധിക്കാൻ അമേരിക്കയും സഖ്യരാഷ്​ട്രങ്ങളുമായി അടുത്തബന്ധം നിലനിർത്തണമെന്നും അവർ ആവശ്യപ്പെട്ടു. ജനുവരി 11ന്​ പ്രസിഡൻറ്​ തെരഞ്ഞെടുപ്പ്​ നടക്കാനിരിക്കെ നടത്തിയ ടെലിവിഷൻ സംവാദത്തിൽ സംസാരിക്കുകയായിരുന്നു അവർ.

മിക്ക തെരഞ്ഞെടുപ്പ്​ പ്രവചനങ്ങളിലും രണ്ടാം ഉൗഴത്തിനായി മത്സരിക്കുന്ന സായിയാണ്​ മുന്നിൽ. രാജ്യത്തി​​െൻറ ഭരണഘടനയിൽ മാറ്റം വരുത്തുകയോ ഔദ്യോഗിക പേരായ റിപ്പബ്ലിക്​ ഓഫ്​ ചൈന എന്നത്​​ മാറ്റുകയോ ചെയ്യാതെതന്നെ തായ്​വാ​​െൻറ സ്വാതന്ത്ര്യവും ജനാധിപത്യ ജീവിതരീതിയും സംരക്ഷിക്കുമെന്നും അവർ പറഞ്ഞു. നിലവിൽ തായ്​വാൻ അസംബ്ലിയിൽ സായ്​യുടെ ജനാധിപത്യ പുരോഗമന പാർട്ടിക്കുള്ള ഭൂരിപക്ഷത്തി​​െൻറ പിൻബലത്തിൽ രാജ്യത്ത്​ സാമ്പത്തിക പരിഷ്​കരണ നടപടികൾക്ക്​ അവർ തുടക്കം കുറിച്ചിരുന്നു.