Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightചൈനയുടെ ഭീഷണിക്കെതിരെ...

ചൈനയുടെ ഭീഷണിക്കെതിരെ തായ്​വാന്‍

text_fields
bookmark_border
ചൈനയുടെ ഭീഷണിക്കെതിരെ തായ്​വാന്‍
cancel

തായ്പേയ്: ചൈനയുടെ ഭീഷണി ദിനേന വര്‍ധിച്ചുവരുകയാണെന്ന് തായ്​വാന്‍ പ്രതിരോധ മന്ത്രി ഫെങ് ഷിക്വാന്‍. കഴിഞ്ഞ ദിവസം സൈനികാഭ്യാസത്തിന്‍െറ ഭാഗമായി ചൈനയുടെ വിമാനവാഹിനിക്കപ്പലും അഞ്ചു പടക്കപ്പലുകളും ദക്ഷിണ തായ്​വാന്‍ മേഖലയില്‍ പ്രവേശിച്ചിരുന്നു. തായ്​വാന്‍ സൈനിക ഭീഷണി നേരിടുന്നതായും അതിനാല്‍ യുവാക്കളോട് സൈന്യത്തില്‍ ചേരണമെന്നും ഷിക്വാന്‍ ആവശ്യപ്പെട്ടു. സൈനികര്‍ക്ക് ചിട്ടയായ പരിശീലനം നല്‍കും. അത് അവരെ യുദ്ധത്തില്‍നിന്ന് രക്ഷിക്കുക മാത്രമല്ല ശത്രുക്കളെ തകര്‍ക്കാന്‍ സജ്ജരാക്കുകയും ചെയ്യും. ചൈനയുടെ പടക്കപ്പലുകളെ നിരീക്ഷിക്കാന്‍ ആര്‍.എഫ്-16 സൈനിക വിമാനങ്ങള്‍ അയച്ചതായും ഷിക്വാന്‍ വ്യക്തമാക്കി. ഞായറാഴ്ചയാണ് തായ്​വാന്‍െറ ആകാശ പ്രതിരോധ അതിര്‍ത്തി ലംഘിച്ച് തായ്​വാനും ഫിലിപ്പീന്‍സിനുമിടയില്‍ ചൈനയുടെ പടക്കപ്പലുകള്‍ പ്രവേശിച്ചത്. ഇത് ദക്ഷിണ ചൈന കടലിലെ തായ്വാന്‍ ഭരണത്തിനു കീഴിലുള്ള ഡോങ്ഷ ദ്വീപിനടുത്തുകൂടി കടന്നുപോയതായി തായ്​വാന്‍ പ്രതിരോധ മന്ത്രാലയം അറിയിച്ചു.
കീഴ്വഴക്കം ലംഘിച്ച് തായ്​വാന്‍ പ്രസിഡന്‍റ് സായ് ഇങ് വെനും നിയുക്ത യു.എസ് പ്രസിഡന്‍റ് ഡോണള്‍ഡ് ട്രംപും നടത്തിയ ടെലിഫോണ്‍ സംഭാഷണം ചൈനയെ ചൊടിപ്പിച്ചിരുന്നു. തായ്​വാനും യു.എസുമായുള്ള ബന്ധം വഷളായ സാഹചര്യത്തില്‍ തങ്ങളുടെ ശക്തി പ്രദര്‍ശിപ്പിക്കാനുള്ള ചൈനയുടെ തന്ത്രമായാണ് സൈനികാഭ്യാസത്തെ തായ്​വാന്‍ കാണുന്നത്. പടക്കപ്പലുകള്‍ പസഫിക് മേഖലയില്‍ ആദ്യമായാണ് സൈനികാഭ്യാസത്തിനു പോയതെന്ന് നേരത്തേ ചൈനീസ് മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chinataiwan
News Summary - taiwan against china
Next Story