ആകാശത്തേക്ക്​ തീതുപ്പി താൽ അഗ്​നിപർവതം

  • ലാവ പുറന്തള്ളിയത്​ 800 മീറ്റർ ഉയരത്തിൽ

21:48 PM
14/01/2020

മനില: ഫിലിപ്പീൻസിലെ ഏറ്റവും വലിയ രണ്ടാമത്തെ അഗ്​നിപർവതമായ താൽ ആകാശത്തേക്ക്​ തീ തുപ്പിയത്​ 800 മീറ്റർ ഉയരത്തിൽ. കഴിഞ്ഞ ദിവസം പൊട്ടിത്തെറിച്ച താൽ ചൊവ്വാഴ്​ചയാണ്​ വലിയതോതിൽ ലാവയും ചാരവും വർഷിച്ചത്​. കൂടുതൽ ശക്തമായി പൊട്ടിത്തെറിക്കാനുള്ള സാധ്യതയുള്ളതിനാൽ അതിജാഗ്രത തുടരുകയാണ്​. ആളപായം റിപ്പോർട്ട്​ ചെയ്യപ്പെട്ടിട്ടില്ല. 

ഞായറാഴ്​ചയാണ്​ താൽ ആദ്യം പൊട്ടിത്തെറിച്ചത്​. തിങ്കളാഴ്​ച വീണ്ടും ലാവയും ചാരവും പുറന്തള്ളിയതി​െന തുടർന്ന്​ മനില വിമാനത്താവളം അടച്ചിടുകയും 250ലധികം വിമാന സർവിസുകൾ റദ്ദാക്കുകയും ​െചയ്​തിരുന്നു. പതിനായിരത്തിലധികം പേരെ സുരക്ഷിത കേന്ദ്രങ്ങളിലേക്കു​ മാറ്റി. ചൊവ്വാഴ്​ച കൂടുതൽ ശക്തമായി പൊട്ടിത്തെറിച്ചതോടെ സമീപ ഗ്രാമങ്ങ​ളിലെല്ലാം ചാരവും ലാവയു​ം എത്തി. പതിനായിരങ്ങളാണ്​ വീടുവിട്ടത്​. 

ചൊവ്വാഴ്​ച എട്ടു​ മണിക്കൂറിനുള്ളിൽ 50ലധികം തവണയാണ്​ അഗ്​നിപർവതം പൊട്ടിത്തെറിച്ചിട്ടുള്ളത്​.     ലാവ പുറന്തള്ളൽ കൂടുതൽ ശക്തമാകാൻ സാധ്യതയുള്ളതിനാൽ സമീപ ഗ്രാമങ്ങളിൽ വൻതോതിൽ ചാരം നിറയാൻ സാധ്യതയുണ്ടെന്നും അധികൃതർ മുന്നറിയിപ്പ്​ നൽകിയിട്ടുണ്ട്​. മനിലയുടെ തെക്കു ഭാഗത്തായി ബടൻഗാസ്​ പ്രവിശ്യയിലെ തടാകത്തിന്​ മധ്യത്തിലായാണ്​ താൽ അഗ്​നിപർവതം സ്ഥിതി ചെയ്യുന്നത്​

Loading...
COMMENTS