റഷ്യൻ തീരത്ത്​ കപ്പലുകൾക്ക്​ തീപിടിച്ച്​ 11 മരണം; കപ്പലിൽ ഇന്ത്യക്കാരും

മോസ്​കോ: റഷ്യൻ തീരത്ത്​ കപ്പലുകൾക്ക്​ തീപിടിച്ച്​ 11 പേർ മരിച്ചു. ഇന്ത്യ, തുർകി, ലിബിയ എന്നീ രാജ്യങ്ങളിലുള്ള തൊഴിലാളികളുമായി പോയ രണ്ട്​ കപ്പലുകൾക്കാണ്​ തീപിടിച്ചത്​. ക്രീമിയയെ റഷ്യയുമായി വേർതിരിക്കുന്ന കെർച്​ സ്​ട ്രൈറ്റിലാണ്​ സംഭവം. പ്രകൃതി വാതകവുമായി പോയ കപ്പലിനും ഒരു ടാങ്കറുമാണ്​ അപകടത്തിൽപെട്ടത്​​. കപ്പലുകൾ തമ്മിൽ ഇ ന്ധനം കൈമാറുന്നതിനിടെയാണ്​ ദുരന്തം​.

ഇരു കപ്പലുകളിലും ടാൻസാനിയൻ പതാകയാണ്​ നാട്ടിയിട്ടുള്ളത്​. കാൻഡി എന്ന്​ പേരുള്ള ഒരു കപ്പലിൽ ഒമ്പത്​ തുർകിഷ്​ പൗരൻമാരും എട്ട്​ ഇന്ത്യക്കാരുമായിരുന്നു ഉണ്ടായിരുന്നത്​. മയിസ്​ട്രോ എന്ന രണ്ടാം കപ്പലിൽ ഏഴ്​ തുർകിഷ്​ പൗരൻമാരും ഏഴ്​ ഇന്ത്യക്കാരും ഒരു ലിബിയൻ വംശജനുമായിരുന്നു.

ഭീകര ശബ്​ദത്തോടുകൂടി സ്​ഫോടനമുണ്ടാവുകയും ശേഷം തീപിടിക്കുകയുമായിരുന്നുവെന്നാണ്​ വിവരം. തുടക്കത്തിൽ ഒരു കപ്പലിനായിരുന്നു തീപിടിച്ചത്​. അത്​ രണ്ടാമത്തെ കപ്പലിലേക്കും വ്യാപിക്കുകയായിരുന്നു. ഇതുവരെ 12 ആളുകളെ കപ്പലിൽ നിന്നും രക്ഷപെടുത്തിയെന്നും അവശേഷിക്കുന്നവരെ ഇനി കണ്ടെത്താനുണ്ടെന്നും റഷ്യൻ വക്​താവ്​ അറിയിച്ചു. തീർത്തും മോശമായ കാലാവസ്ഥ കാരണം ഗുരുതര പരിക്കേറ്റവരെ ആശുപത്രിയിലെത്തിക്കാൻ സുരക്ഷാ കപ്പലുകൾക്ക്​ ബുദ്ധിമുട്ടുണ്ടായതായും അദ്ദേഹം പറഞ്ഞു.

2 ships on fire in #KerchStrait after blast reportedly rocked one of them, at least 9 sailors died https://t.co/jJfVc1ivIp pic.twitter.com/l1Xq77zzji

— RT (@RT_com) January 21, 2019