‘എ​ന്നും ന​ന​ക്ക​ണം, മ​ക്ക​ളെ​പ്പോ​ലെ സം​ര​ക്ഷി​ക്ക​ണം’ 400 കൊല്ലം പഴക്കമുള്ള ബോ​ൺ​സാ​യ്​ മോ​ഷ്​​ടാ​വിന്​ വീ​ട്ട​മ്മ​യു​ടെ ഉപദേശം

ടോ​േ​ക്യാ: ‘‘നി​ങ്ങ​ൾ ആ​രു​ത​ന്നെ​യാ​യാ​ലും എ​ല്ലാ ദി​വ​സ​വും ചെടികൾക്ക്​ വെ​ള്ളം കൊ​ടു​ക്കാ​ൻ മ​റ​ക്ക ​രു​തേ... സ്വ​ന്തം കു​ഞ്ഞു​ങ്ങ​ളെ​പ്പോ​ലെ പ​രി​പാ​ലി​ക്കാ​നും... ഒ​രാ​ഴ്​​ച​യോ​ളം വെ​ള്ളം കി​ട്ടാ​തി​രു​ന് നാ​ൽ അ​വ ഉ​ണ​ങ്ങി​പ്പോ​കും’’ -ജ​പ്പാ​നി​ലെ ഫു​യു​മി ലി​മു​റ എ​ന്ന വീ​ട്ട​മ്മ​യു​ടെ ഫേ​സ്​​ബു​ക്​ കു​റി​പ് പ്​​ വൃ​ക്ഷ​സ്​​നേ​ഹി​ക​ളെ നൊ​മ്പ​ര​പ്പെ​ടു​ത്തും. മോ​ഷ്​​ടി​ക്ക​പ്പെ​ട്ട ബോ​ൺ​സാ​യ്​ മ​ര​ങ്ങ​ൾ​ക്ക്​ ​ മ​തി​യാ​യ പ​രി​ച​ര​ണം കി​ട്ടാ​തെ വ​രു​മോ എ​ന്ന ആകുലതയി​ലാ​ണ്​ അ​വ​ർ കു​റി​പ്പെ​ഴു​താ​ൻ തീ​രു​മാ​നി​ച്ച​ത്.

ഒ​രു നാ​ൾ ഇ​രു​ട്ടി വെ​ളു​ത്ത​പ്പോ​ഴാ​ണ്​​ തോ​ട്ട​ത്തി​ലെ ഏ​ഴു ബോ​ൺ​സാ​യ്​ മ​ര​ങ്ങ​ൾ മോ​ഷ​ണം പോ​യ​ത്​ അ​വ​ര​റി​ഞ്ഞ​ത്​. 118,000 ഡോ​ള​ർ (ഏ​ക​ദേ​ശം 83,45,550 രൂ​പ) വി​ല വ​രു​ന്ന ഏ​ഴു ബോ​ൺ​സാ​യ്​ മ​ര​ങ്ങ​ളാ​ണ്​ മോ​ഷ്​​ടി​ക്ക​പ്പെ​ട്ട​ത്. ലേ​ല​ത്തി​നു വെ​ക്കു​ക​യാ​ണെ​ങ്കി​ൽ തു​ക കൂ​ടും. അ​ന്വേ​ഷി​ച്ചി​ട്ടും കാ​ര്യ​മൊ​ന്നു​മു​ണ്ടാ​യി​ല്ല. സ്വ​ന്തം കു​ഞ്ഞു​ങ്ങ​ളെ ന​ഷ്​​ട​പ്പെ​ട്ട​പോ​ലെ വേ​ദ​ന അ​വ​ർ മ​ന​സ്സി​ൽ കൊ​ണ്ടു​ന​ട​ന്നു. മോ​ഷ്​​ടാ​ക്ക​ൾ ചെ​ടി​ക​ളെ യ​ഥാ​സ​മ​യം പ​രി​ച​രി​ക്കു​ന്നു​ണ്ടോ എ​ന്നോ​ർ​ത്ത്​ ആ​ധി​പൂ​ണ്ടു.

400 കൊ​ല്ല​ം പഴക്കമുള്ള ഷിം​പാ​കു ജു​നി​പ​ർ എ​ന്ന​യി​ന​ത്തി​ൽ​പെ​ട്ട ബോ​ൺ​സാ​യ്​ മ​ര​മാ​ണ്​ മോ​ഷ​ണം പോ​യ​വ​യി​ൽ ഒ​ന്ന്. ബോ​ൺ​സാ​യ്​ സ്​​നേ​ഹി​ക​ളു​ടെ പ്രി​യ​പ്പെ​ട്ട ഇ​ന​മാ​ണി​ത്. നാ​ലു നൂ​റ്റാ​ണ്ടു​മു​മ്പ് ഒ​രു മ​ല​നി​ര​ക​ളി​ൽ​നി​ന്ന്​ ലി​മു​റ​യു​ടെ കു​ടും​ബ​ത്തി​ന്​ ല​ഭി​ച്ച​താ​ണീ ബോ​ൺ​സാ​യ്​ മു​ത്ത​ശ്ശി​യെ. വ​ള​രെ​യേ​റെ ക​ഷ്​​ട​പ്പെ​ട്ടാ​ണ്​ അ​തി​നെ ഇ​ന്നു​കാ​ണു​ന്ന മൂ​ന്ന​ടി നീ​ള​ത്തി​ലേ​ക്കും ര​ണ്ട​ടി വീ​തി​​യി​ലേ​ക്കും മാ​റ്റി​യെ​ടു​ത്ത​ത്.

ലി​മു​റ​യും ഭ​ർ​ത്താ​വ്​ സീ​ജി ലി​മു​റ​യും ചേ​ർ​ന്നാ​ണ്​ ബോ​ൺ​സാ​യ്​ മ​ര​ങ്ങ​ളെ പ​രി​പാ​ലി​ക്കു​ന്ന​ത്. ത​ല​മു​റ​ക​ളാ​യി ബോ​ൺ​സാ​യ്​ കൃ​ഷി​ചെ​യ്യാ​ൻ തു​ട​ങ്ങി​യ​താ​ണ്​ ഇ​വ​രു​ടെ കു​ടും​ബം. ഇ​തു​വ​രെ ആ​ർ​ക്കും ക​ട​ന്നു​ചെ​ല്ലാ​മാ​യി​രു​ന്നു അ​വ​രു​ടെ ബോ​ൺ​സാ​യ്​ തോ​ട്ട​ത്തി​ലേ​ക്ക്. എ​ന്നാ​ൽ, മോ​ഷ​ണം പോ​യ​തോ​ടെ സു​ര​ക്ഷ കു​റ​ച്ചു​കൂ​ടി ശ​ക്​​ത​മാ​ക്കി​യി​ട്ടു​ണ്ട്.

ഷിം​പാ​കു വി​ഭാ​ഗ​ത്തി​ൽ​പെ​ട്ട കു​റ​ച്ചു ബോ​ൺ​സാ​യ്​ മ​ര​ങ്ങ​ൾ​കൂ​ടി പ​ക്ക​ലു​ണ്ട്. ജ​പ്പാ​നി​ൽ ബോ​ൺ​സാ​യ്​ മോ​ഷ​ണം പ​തി​വാ​ണ്. മോ​ഷ​ണം ത​ട​യാ​ൻ തോ​ട്ട​ത്തി​നു ചു​റ്റും മു​ള്ളു​വേ​ലി കെ​ട്ടു​ന്ന​വ​രു​മു​ണ്ട്.