ഇങ്ങനെയൊക്കെ ചെയ്താൽ എന്ത് ‘കാട്ടാനാ?’ -Video
text_fieldsകൊളംബോ: അവധിയാഘോത്തിന് ശ്രീലങ്കക്ക് പോകാൻ ബുക്ക് ചെയ്യുേമ്പാൾ തന്നെ ചിലർ സ്വപ്നം കണ്ടുതുടങ്ങും; യാ ത്രക്കിടയിൽ കാട്ടാനയെ അടുത്ത് കാണാൻ പറ്റിയിരുന്നെങ്കിലെന്ന്. അപ്പോൾ ഹോട്ടൽ റൂം തുറക്കുന്നത് തന്നെ കാട ്ടാനയെ കാണാനാണെങ്കിലോ?
യാല ദേശീയ പാർക്കിനടുത്തുള്ള ജെറ്റ്വിങ് യാല ഹോട്ടലിലാണ് ഇതൊരു പതിവ് കാഴ്ചയ ാകുന്നത്. 2013 മുതൽ ഏറെക്കുറെ ഇവിടെ ‘സ്ഥിരതാമസമാണ്’ നാട്ടാ കോതായെന്ന് ജീവനക്കാർ പേരിട്ടിരിക്കുന്ന ആന. ചെറ ിയ വാൽ ആണ് ഈ പേരിടാൻ കാരണമായത്. ഹോട്ടലിെൻറ വരാന്തയിലൂടെ നടന്നു നീങ്ങി ചില സാധനങ്ങൾ തള്ളിമറിക്കുന്ന ആനയുട െ വീഡിയോ ഒരു താമസക്കാരി ട്വിസ്റ്ററിൽ പോസ്റ്റ് ചെയ്തത് വൈറലായിരിക്കുകയാണിപ്പോൾ.
woke up to a text from my mom about how a wild elephant went into a Sri Lankan hotel and gently wandered around while poking stuff with his trunk pic.twitter.com/C2biQT8C30
— Upuli (@upidaisy) January 19, 2020
ആന ഹോട്ടലിെൻറ ഏറ്റവും വിശ്വസ്തനായ ‘രക്ഷാധികാരി’യായിട്ട് ആറ് വർഷമായെന്ന് പറയുന്നു ജെറ്റ്വിങിലെ ജീവനക്കാർ. ആദ്യമൊക്കെ വല്ലപ്പോഴുമേ വരുമായിരുന്നുള്ളൂ. കുറച്ചുനാൾ ഹോട്ടലിനും പരിസരത്തും ചെലവഴിച്ച ശേഷം കാട്ടിലേക്ക് മടങ്ങും. അടുത്തിടെയായി ഇവിടെ സ്ഥിരമായി നിലയുറപ്പിച്ചിരിക്കുകയാണ് കക്ഷി. വിശ്രമിക്കാനും നടക്കാനുമായി ചില സ്ഥിരംസ്ഥലങ്ങളുണ്ട്. അതിനിടെ ആരും ശല്യപ്പെടുത്താൻ പോകാറുമില്ല.
സമീപത്തെ കുറ്റിക്കാട്ടിലാണ് ഉറക്കം. ഹോട്ടലിെൻറ ലോബിയിലൂടെയും വരാന്തയിലൂടെയും നടത്തവും. എല്ലായ്പ്പോഴും നല്ല സ്വഭാവമായിരിക്കില്ലെന്ന് മാത്രം. ഇടക്ക് താമസക്കാരുടെ കാറിൽ നിന്നും അടുക്കളയിൽനിന്നുമൊക്കെ പഴങ്ങളും ഭക്ഷണസാധനങ്ങളും അടിച്ചെടുക്കും. ഇപ്പോൾ അടുക്കള വാതിലിന് മുന്നിൽ ഇലക്ട്രിക് വേലി പണിതിരിക്കുകയാണ് ഹോട്ടൽ അധികൃതർ. താമസക്കാർക്ക് പഴങ്ങളും ഭക്ഷണസാധനങ്ങളും സൂക്ഷിക്കണമെന്ന മുന്നറിയിപ്പും നൽകാറുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.