ഒടുവിലവർ അയാളെ കണ്ടു; പെൺകുട്ടികളെ ‘അടിമകളാക്കിയ’ ചോയെ

സോൾ: 50 ലക്ഷം ആളുകൾ ഒപ്പുവെച്ച നിവേദനവും സാമൂഹിക സമ്മർദങ്ങളും വേണ്ടിവന്നു അയാളാരാണെന്ന്​ അറിയാൻ. ദക്ഷിണ കൊറ ിയൻ പൊലീസ്​ ബുധനാഴ്​ച പരസ്യപ്പെടുത്തിയ ലൈംഗിക തട്ടിപ്പു കേസുകളി​ലെ പ്രതി ചോ ജു ബിൻ ദക്ഷിണ കൊറിയയിലെ പെൺകു ട്ടികളുടെ ഉറക്കം കെടുത്താൻ തുടങ്ങിയിട്ട്​ കുറച്ച്​ കാലമായി. സമ്മർദങ്ങൾക്കൊടുവിലാണ്​ പൊലീസ്​ ഇയാളുടെ പേര്​ പുറത്തുവിട്ടത്​.

25കാരനായ ചോ ജു ബിന്നി​ന്റെ ക്രൂരതക്കിരയായവരിൽ സ്​കൂൾ വിദ്യാർഥിനികൾ വരെയുണ്ട്​. 58 വനിതകളും 16 സ്​കൂൾ കുട്ടികളും ഇയാളുടെ നിരന്തര ഭീഷണിക്കും ചൂഷണത്തിനും ഇരയായിട്ടുണ്ടെന്ന്​ ഇതുവരെയുള്ള അന്വേഷണത്തിൽ കണ്ടെത്തിയിട്ടുണ്ട്. ഇൗ എണ്ണം ഇനിയും കൂടിയേക്കും. ടെലഗ്രാം ​ഗ്രൂപ്പുകളിലൂടെ വിചിത്രമായ ലൈംഗിക ദൃശ്യങ്ങൾ പ്രചരിപ്പിച്ചിരുന്ന ചോ അതിനായി പെൺകുട്ടികളെ വരെ ഇരയാക്കുകയായിരുന്നു.

പെൺകുട്ടികൾക്കും വനിതകൾക്കുമെല്ലാം പാർട്ട്​ ടൈം ജോലികൾ വാഗ്​ദാനം ചെയ്​താണ്​ ചോ ഇരകളെ കണ്ടെത്തിയിരുന്നത്​. അർധനഗ്​ന ചിത്രങ്ങൾ നൽകുന്നതിന്​ പണം വാഗ്​ദാനം ചെയ്​താണ്​ തട്ടിപ്പ്​ തുടങ്ങുന്നത്​. ഇത്തരത്തിൽ അർധനഗ്​ന ചിത്രങ്ങൾ നൽകുന്നവരുടെ വിലാസം പരസ്യപ്പെടുത്തുമെന്ന്​ പറഞ്ഞ്​ ഭീഷണിപ്പെടുത്തുകയാണ്​ അടുത്ത ഘട്ടം. വിചിത്ര വിഡിയോകളും ലൈംഗിക ദൃശ്യങ്ങളും റെക്കോഡ്​ ചെയ്യാൻ ഇവരെ ഉപയോഗപ്പെടുത്തുകയാണ്​ ചോയുടെ രീതി. വനിതകളെയും പെൺകുട്ടികളെയും ഭീഷണിപ്പെടുത്തി അടിമകളെ പോ​ലെ കൈകാര്യം ചെയ്യുകയായിരുന്നു ചോ ജു ബിന്നെന്ന്​ പൊലീസ്​ പറയുന്നു.

LATEST VIDEO