കോവിഡ്​ 19; സിംഗപ്പൂരിൽ ആദ്യമരണം

സിംഗപ്പൂർ: കോവിഡ്​ 19 ബാധിച്ച്​ സിംഗപ്പൂരിൽ ആദ്യ മരണം സ്​ഥിരീകരിച്ചതായി ആ​േരാഗ്യ മന്ത്രാലയം അറിയിച്ചു. സ്വദേ ശിയായ 75 കാരിയാണ്​ മരിച്ചത്​.

ഇവർ ഹൃദ്രോഗത്തിനും രക്തസമ്മർദ്ദത്തിനും ചികിത്സയിലായിരുന്നു. ഫെബ്രുവരി ഒമ്പതിനാണ്​ ഇവരിൽ രോഗലക്ഷണങ്ങൾ കണ്ടത്​. തുടർന്ന്​ ആശുപത്രിയിൽ പ്രവേശിപ്പിക്കുകയായിരുന്നു.

പ്രതിരോധ പ്രവർത്തനങ്ങൾ ഊർജിതമാക്കിയ രാജ്യത്ത്​ ഇതുവരെ 385 പേർക്ക്​ രോഗം സ്​ഥിരീകരിച്ചിട്ടുണ്ട്​. വെള്ളിയാഴ്​ച 40 പേർക്കാണ്​ പുതുതായി രോഗബാധ കണ്ടെത്തിയത്​.