ബംഗ്ലാദേശ് പ്രധാനമന്ത്രി ശൈഖ്​ ഹസീനക്കെതിരായ വധശ്രമം പൊളിച്ചു

ധാക്ക: മുൻ പ്രധാനമന്ത്രി ഇന്ദിര ഗാന്ധിയെ വധിച്ചതുപോലെ ബംഗ്ലാദേശ് പ്രധാനമന്ത്രി ശൈഖ്​ ഹസീനയെ കൊലപ്പെടുത്താനുള്ള ​ജമാഅത്തുൽ മുജാഹിദീ​ൻ (ജെ.എം.ബി) പദ്ധതി സുരക്ഷ ഉദ്യോഗസ്ഥർ തകർത്തതായി റിപ്പോർട്ട്​.   െഎ.എസ്​ പിന്തുണയുള്ള നിരോധിത ഭീകരസംഘടനയാണിത്​. കഴിഞ്ഞ ആഗസ്​റ്റ്​ 24നാണ്​ ഹസീനയെ വധിക്കാൻ പദ്ധതിയിട്ടിരുന്നത്​.  ഹസീന ഓഫിസിൽനിന്നു പുറത്തിറങ്ങുമ്പോള്‍ വധിക്കാനായിരുന്നു പരിപാടിയിട്ടത്​. സുരക്ഷ ഉദ്യോഗസ്​ഥരുടെ ശ്രദ്ധതിരിക്കാൻ  പ്രധാനമന്ത്രിയുടെ  ഓഫിസിനടുത്ത്​ സ്ഫോടന പരമ്പര നടത്താനും പദ്ധതിയിട്ടിരുന്നു. ആ  സമയത്ത് ഹസീനയുടെ അംഗരക്ഷകർ അവരെ വധിക്കാനായിരുന്നു തീരുമാനം.  എന്നാൽ, വിവരം ചോർന്നതോടെ ഹസീനയുടെ സുരക്ഷ കർശനമാക്കി.  2009ൽ പ്രധാനമന്ത്രി സ്ഥാനമേറ്റശേഷം ഹസീനക്കുനേരെയുണ്ടാകുന്ന 11ാമത്തെ വധശ്രമമാണിത്.

റിപ്പോർട്ടിനെക്കുറിച്ച്​ ബംഗ്ലാദേശ്​ സർക്കാർ പ്രതികരിച്ചിട്ടില്ല. വധശ്രമവുമായി ബന്ധപ്പെട്ട് ജെ.എം.ബി ഭീകരരും അംഗരക്ഷകരും തമ്മിലുള്ള സംഭാഷണം ഇന്ത്യൻ ഇൻറലിജൻസ് ഏജൻസികളുടെ സഹായത്തോടെ ബംഗ്ലാദേശ് ഇൻറലിജൻസ് വിഭാഗം ചോർത്തുകയായിരുന്നു. ഗൂഢാലോചനയിൽ പാക്​ ചാരസംഘടനയായ ​െഎ.എസ്​​.​െഎക്കും പങ്കുള്ളതായി സംശയിക്കുന്നുണ്ട്​. ബംഗ്ലാദേശിലെ ഒരു പ്രമുഖ പ്രതിപക്ഷനേതാവ് ലണ്ടനിൽ​െവച്ച് ഐ.എസ്.ഐ ഉദ്യോഗസ്ഥരുമായി ചർച്ച നടത്തിയിരുന്നെന്നാണ് വിവരം. ഇതേ നേതാവുമായി ചർച്ച നടത്തിയ എസ്.എസ്.എഫിലെ  മേജർ ജനറൽ റാങ്കിലുള്ള രണ്ട് ഉദ്യോഗസ്ഥരും സംഭവവുമായി ബന്ധപ്പെട്ട് സംശയത്തി​​െൻറ നിഴലിലാണ്.