പ്രത്യേക വോട്ടർപ്പട്ടിക: പാക്​ തെരഞ്ഞെടുപ്പ്​ ബഹിഷ്​കരിക്കുമെന്ന്​ അഹമ്മദിയ വിഭാഗം 

ലാഹോർ: സമുദായത്തിന്​ പ്രത്യേക വോട്ടർ പട്ടിക തയാറാക്കിയതിൽ പ്രതിഷേധിച്ച്​ പാകിസ്​താൻ പൊതു തെരഞ്ഞെടുപ്പ്​ ബഹിഷ്​കരിക്കുമെന്ന്​ അഹമ്മദിയ വിഭാഗം. ജൂലൈ 25ന്​ നടക്കുന്ന തെരഞ്ഞെടുപ്പി​​​െൻറ വോ​ട്ടർപ്പട്ടിക പുറത്തിറക്കിയപ്പോൾ അഹമ്മദിയ വിഭാഗത്തിന്​ പ്രത്യേകമായാണ്​ പട്ടികയാണ്​ തയാറാക്കിയത്.  

മുസ്​ലിം, ഹിന്ദു, ക്രിസ്​ത്യൻ, സിക്ക്​ തുടങ്ങി എല്ലാ മതവിഭാഗങ്ങളും പ്രധാന വോട്ടർ പട്ടികയിൽ ഉൾപ്പെടുന്നു. എന്നാൽ അഹമ്മദിയകൾക്ക്​ മാത്രം പ്രത്യേക പട്ടിക തയാറാക്കിയിരിക്കുകയാണ്​. ഖാദിയാനി പുരുഷൻമാരും സ്​ത്രീകളും എന്ന പേരിലാണ്​ അഹമ്മദിയ വിഭാഗങ്ങളുടെ പട്ടിക ഇറക്കിയത്​. മതത്തി​​​െൻറ പേരിലുള്ള ഇൗ വിവേചനം പാകിസ്​താനിലെ തെരഞ്ഞെടുപ്പ്​ സംവിധാനങ്ങളിലെ അവകാശങ്ങളിൽ നിന്ന്​ സമുദായത്തെ അകറ്റി നിർത്താനുള്ള ശ്രമമാണ്​ എന്ന്​ അഹമദിയ വിഭാഗം വക്​താവ്​ സലീം ഉദ്​ ദിൻ പറഞ്ഞു. 

പാകിസ്​താനിൽ അഹമ്മദിയ വിഭാഗത്തെ നാസ്​തികരായാണ്​ കരുതുന്നത്​. 1974ൽ അഹമ്മദിയകളെ അമുസ്​ലീംകളായി പാക്​ സർക്കാർ പ്രഖ്യാപിച്ചിരുന്നു.