പൊതുഫണ്ട്​ ദുരുപയോഗം: സാറ നെതന്യാഹുവിന്​ തടവുശിക്ഷ

ജറൂസലം: ജറൂസലം: പൊതുഫണ്ട്​ സ്വകാര്യ ആവശ്യ​ങ്ങൾക്കായി ദുരുപയോഗം ചെയ്​തതിന്​ ഇസ്രായേൽ പ്രധാനമന്ത്രി ബിന്യമ ിൻ നെതന്യാഹുവി​​​െൻറ ഭാര്യ സാറക്ക്​ തടവുശിക്ഷ. തടവിനൊപ്പം 15000 ഡോളറിലേറെ തുക പിഴയടക്കണമെന്നും ജറൂസലം മജിസ്​ട ്രേറ്റ്​ കോടതി ഉത്തരവിട്ടു. സംഭവത്തിൽ സാറ കുറ്റം സമ്മതിച്ചതിനു പിന്നാലെയാണ്​ കോടതിയുത്തരവ്​. 99,300 ഡോളറാണ്​ (6 9,34,466 രൂപ) ഇത്തരത്തിൽ സാറ ദുരുപയോഗം ചെയ്​തായി കോടതി കണ്ടെത്തി​. 2010നും 2013നുമിടെയാണ്​ കേസിനാസ്​പദ സംഭവം.

വീട്ടിൽ മുഴുവൻ സമയ പാചകക്കാരുണ്ടായിട്ടും ഇല്ലെന്ന്​ ഉദ്യോഗസ്​ഥരെ തെറ്റിദ്ധരിപ്പിച്ച്​ സർക്കാർ പണമുപയോഗിച്ച്​ കാറ്ററിങ് ഇടപാടു​കാരിൽനിന്ന്​ ഭക്ഷണം വസതിയിലേക്ക്​ വരുത്തിക്കുകയായിരുന്നു. 2018ലാണ്​ സാറക്കെതിരെ ആരോപണമുയർന്നത്​. കോടതിയിൽ കുറ്റം സമ്മതിച്ച സാറ 2800 ഡോളർ പിഴയായി നൽകാമെന്ന്​ സമ്മതിച്ചിരുന്നു. മാത്രമല്ല, ത​​​െൻറ ​കൈവശമുള്ള 12500 ഡോളർ പൊതുഫണ്ടിലേക്ക്​ തിരികെ നൽകാമെന്നും പറഞ്ഞു.സാറക്ക്​ ക്രിമിനൽ റെക്കോഡുള്ളതായി ജറൂസലം പോസ്​റ്റ്​ റിപ്പോർട്ട്​ ചെയ്​തു.

2016ലും ജോലിക്കാരനോട്​ മോശമായി പെരുമാറിയതിന്​ സാറയെ ശിക്ഷിച്ചിരുന്നു. ജോലിക്കാരന്​ 42000 ഡോളർ നഷ്​ടപരിഹാരം നൽകണമെന്നായിരുന്നു വിധി. മറ്റൊരു ജീവനക്കാരും 63000 ഡോളർ നഷ്​ടപരിഹാരമാവശ്യപ്പെട്ട്​ പരാതി നൽകിയിരിക്കയാണ്​. നെതന്യാഹുവിനൊപ്പമാണ്​ സാറ കോടതിയിലെത്തിയത്​. അഴിമതിയാരോപണം മൂലം പൊതുജനങ്ങൾക്കിടയിലെ സ്വീകാര്യത ഇടിഞ്ഞ നെതന്യാഹുവിന്​ സാറക്കെതിരായ നടപടിയും തിരിച്ചടിയായി.