അർമീനിയയിൽ ഭരണകക്ഷിക്ക് ജയം
text_fieldsയെരേവാൻ: അർമീനിയൻ പാർലമെൻറ് തെരഞ്ഞെടുപ്പിൽ ആക്ടിങ് പ്രധാനമന്ത്രി നികോൾ പെ ഷ്ന്യാൻ വിജയിച്ചു. അഴിമതിയും ദാരിദ്ര്യവും തുടച്ചുമാറ്റുമെന്ന് പ്രഖ്യാപിച്ചാണ് മുൻ മാധ്യമപ്രവർത്തകൻ കൂടിയായ പെഷ്ന്യാൻ ജനവിധി തേടിയത്. പെഷ്ന്യാൻ നയിക്കുന്ന സിവിൽ കോൺട്രാക്ട് പാർട്ടി 70.43 ശതമാനം വോട്ടുകൾ നേടി.
സർക്കാർവിരുദ്ധ പ്രക്ഷോഭങ്ങളെ തുടർന്ന് സെർഷ് സർകീഷ്യൻ രാജിവെച്ചതോടെയാണ് ഇക്കഴിഞ്ഞ മേയിൽ പെഷ്ന്യാൻ ഇടക്കാല പ്രധാനമന്ത്രിയായി അധികാരമേറ്റത്. ഞായറാഴ്ച നടന്ന തെരഞ്ഞെടുപ്പിൽ പ്രതിപക്ഷമായ ദ റിപ്പബ്ലിക്കൻ പാർട്ടിക്ക് 4.7 ശതമാനം വോട്ടുകൾ മാത്രമേ നേടാൻ കഴിഞ്ഞുള്ളൂ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.