പ്രതിഷേധിച്ച്​ റോഹിങ്ക്യകൾ; തി​രി​ച്ച​യ​ക്കൽ മു​ട​ങ്ങി

ധാ​ക്ക: ബം​ഗ്ലാ​ദേ​ശി​ലെ കോ​ക്​​സ്​ ബ​സാ​റി​ൽ ക​ഴി​യു​ന്ന റോ​ഹി​ങ്ക്യ​ൻ അ​ഭ​യാ​ർ​ഥി​ക​ളെ തി​രി​ച്ച​യ​ക്കു​ന്ന​ത്​ മു​ട​ങ്ങി. സു​ര​ക്ഷ ഭ​യ​മു​ള്ള​തി​നാ​ൽ തി​ര​ക്കി​ട്ട്​ മ​ട​ങ്ങാ​ൻ ക​ഴി​യി​ല്ലെ​ന്ന്​ അ​റി​യി​ച്ച്​ അ​ഭ​യാ​ർ​ഥി​ക​ൾ പ്ര​തി​ഷേ​ധി​ച്ച​തോ​ടെ​യാ​ണ്​ നേ​ര​ത്തേ നി​ശ്ച​യി​ച്ച ന​ട​പ​ടി മു​ട​ങ്ങി​യ​ത്. നേ​ര​ത്തേ റോ​ഹി​ങ്ക്യ​ക​ളു​ടെ ആ​ദ്യ സം​ഘ​ത്തെ തി​രി​ച്ച​യ​ക്കാ​ൻ എ​ല്ലാ സ​ന്നാ​ഹ​ങ്ങ​ളും ഒ​രു​ക്കി​യ​താ​യി ബം​ഗ്ലാ​ദേ​ശ്​ അ​റി​യി​ച്ചി​രു​ന്നു.

ഒ​ക്​​ടോ​ബ​റി​ൽ മ്യാ​ന്മ​റും ബം​ഗ്ലാ​ദേ​ശും ത​മ്മി​ൽ ഒ​പ്പു​വെ​ച്ച ക​രാ​റ​നു​സ​രി​ച്ചാ​ണ്​ തി​രി​ച്ചു​പോ​ക്കി​ന്​ ന​ട​പ​ടി സ്വീ​ക​രി​ച്ച​ത്. നാ​ല്​ ട്ര​ക്കും മൂ​ന്ന് ബ​സും അ​ഭ​യാ​ർ​ഥി​ക​ളെ അ​തി​ർ​ത്തി ക​ട​ത്താ​ൻ ഒ​രു​ക്കി​നി​ർ​ത്തി​യി​രു​ന്നു. എ​ന്നാ​ൽ, ഒ​രു അ​ഭ​യാ​ർ​ഥി പോ​ലും മ​ട​ങ്ങാ​ൻ സ​ന്ന​ദ്ധ​രാ​യി എ​ത്തി​യി​ല്ല.

നി​ർ​ബ​ന്ധി​ച്ച്​ തി​രി​ച്ച​യ​ക്ക​രു​തെ​ന്ന്​ ആ​വ​ശ്യ​പ്പെ​ട്ട്​ നൂ​റു​ക​ണ​ക്കി​ന്​ ആ​ളു​ക​ൾ പ്ര​തി​ഷേ​ധ​വും ആ​രം​ഭി​ച്ചു. ഇ​തോ​ടെ​യാ​ണ്​ താ​ൽ​ക്കാ​ലി​ക​മാ​യി തി​രി​ച്ചു​പോ​ക്ക്​ മു​ട​ങ്ങി​യ​ത്. മ്യാ​ന്മ​റി​ൽ എ​ത്തി​യാ​ൽ വീ​ണ്ടും റോ​ഹി​ങ്ക്യ​ക​ൾ അ​തി​ക്ര​മ​ത്തി​നി​ര​യാ​യേ​ക്കു​മെ​ന്ന്​ യു.​എ​ൻ അ​ട​ക്ക​മു​ള്ള അ​ന്താ​രാ​ഷ്​​ട്ര ഏ​ജ​ൻ​സി​ക​ൾ മു​ന്ന​റി​യി​പ്പ്​ ന​ൽ​കി​യി​രു​ന്നു.