ഹിറ്റ്ലര്‍ ജൂതരെ കൊന്നതുപോലെ മയക്കുമരുന്ന് കച്ചവടക്കാരെ കൊല്ലുമെന്ന് ദുതേര്‍തെ

മനില: മയക്കുമരുന്ന് ശൃംഖലക്കെതിരായ നടപടിയെ ഹിറ്റ്ലറുടെ വംശഹത്യയോട് തുലനംചെയ്ത് ഫിലിപ്പീന്‍സ് പ്രസിഡന്‍റ് റൊഡ്രിഗോ ദുതേര്‍തെ. ഹിറ്റ്ലര്‍ ജൂതരെ കൊന്നൊടുക്കിയതുപോലെ മയക്കുമരുന്ന് അടിമകളെ കൊല്ലുന്നതില്‍ താന്‍ സന്തോഷിക്കുന്നതായും അദ്ദേഹം പറഞ്ഞു. ദുതേര്‍തെയുടെ പ്രസ്താവനയില്‍ പ്രതിഷേധവുമായി ജൂതനേതാക്കള്‍ രംഗത്തത്തെി.

പ്രസ്താവന അനുചിതമാണെന്നും ഹിറ്റ്ലറുടെ ഹോളോകോസ്റ്റ് ഇരകളോട് ദുതേര്‍തെ മാപ്പുപറയണമെന്നും നേതാക്കള്‍ ആവശ്യപ്പെട്ടു.കഴിഞ്ഞ ജൂണില്‍ ദുതേര്‍തെ അധികാരത്തിലേറിയശേഷം, രാജ്യവ്യാപകമായി സ്വീകരിച്ച നടപടിയില്‍ മയക്കുമരുന്ന് ശൃംഖലയുമായി ബന്ധമുണ്ടെന്നു സംശയിക്കുന്ന 3000 പേരെയാണ് പൊലീസ് വെടിവെച്ചുകൊന്നത്.