ശ്രീലങ്കയിൽ ഗോതാബായ രാജപക്​സ പ്രസിഡൻറ്​

  • വീണ്ടും രാജപക്​സ യുഗം

12:08 PM
17/11/2019
rajapakse

കൊളംബോ: ​ശ്രീലങ്കയിൽ എൽ.ടി.ടി.ഇ വിരുദ്ധ പോരാട്ടകാലത്ത്​  പ്രതിരോധ സെക്രട്ടറിയായിരുന്ന ഗോതാബായ രാജപക്​സക്ക്​ പ്രസിഡൻറ്​ തെരഞ്ഞെടുപ്പിൽ ആധികാരിക ജയം. 52.25 ശതമാനം വോട്ട്​ നേടിയാണ്​ തൊട്ടടുത്ത എതിരാളിയായ സജിത്ത്​ പ്രേമദാസയെ ഗോതാബായ തോൽപിച്ചത്​. പൊതുജന പേരാമുന പാർട്ടി (എസ്​.എൽ.പി.പി) പ്രതിനിധിയായ ഗോതാബായ തിങ്കളാഴ്​ച ചുമതലയേൽക്കും. നിലവിലെ പ്രസിഡൻറ്​ മൈത്രിപാല സിരിസേന വിട്ടുനിന്ന തെരഞ്ഞെടുപ്പിൽ 25 പേർ മത്സരരംഗത്തുണ്ടായിരുന്നു. പ്രേമദാസ​ 41.99 ശതമാനം വോട്ടുനേടി. 

250ലേറെ പേരുടെ മരണത്തിനിടയാക്കിയ ഈസ്​റ്റർ ദിന ഭീകരാ​ക്രമണത്തിനു പിറകെ രാജ്യസുരക്ഷ മുഖ്യവിഷയമായ തെരഞ്ഞെടുപ്പിൽ സിംഹള ഭൂരിപക്ഷത്തി​​െൻറ പിന്തുണയിലാണ്​ ഗോതാബായ അനായാസ ജയം സ്വന്തമാക്കിയത്. രാജ്യത്തി​​െൻറ വടക്കൻ മേഖലയിൽ സ്വാധീനമുള്ള ന്യൂനപക്ഷങ്ങളായ തമിഴരും മുസ്​ലിംകളും പ്രേമദാസയെ പിന്തുണച്ചു. 

2005 മുതൽ നീണ്ട 10 വർഷം സഹോദരൻ മഹിന്ദ രാജപക്​സ പ്രസിഡൻറായിരുന്നപ്പോൾ ഗോതാബായ പ്രതിരോധ സെക്രട്ടറി പദം വഹിച്ചു. ഇക്കാലത്താണ്​ എൽ.ടി.ടി.ഇയെ അടിച്ചമർത്തിയത്​. ആയിരങ്ങൾ കൊല്ലപ്പെടുകയും അത്ര​ത​െന്നപേർ അപ്രത്യക്ഷരാകുകയും ചെയ്​ത സംഭവത്തിൽ കടുത്ത മനുഷ്യാവകാശ ലംഘനങ്ങൾക്ക്​ വിമർശനമേറ്റുവാങ്ങുന്നയാളാണ്​ ഗോതാബായ. ഒന്നര കോടിയിലേറെ വോട്ടർമാരുള്ള രാജ്യത്ത്​ 83 ശതമാനമായിരുന്നു ഇത്തവണ വോട്ടിങ്​. 

Loading...
COMMENTS