ഖത്തർ വിഷയം: ഉർദുഗാൻ സൗദി അടക്കമുള്ള രാജ്യങ്ങളുമായി ചർച്ച നടത്തി

അങ്കാറ: ഖത്തർ വിഷയം പരിഹരിക്കുന്നതിന് തുർക്കി നീക്കം ആരംഭിച്ചു. ഇതിന് മുന്നോടിയായി ഖത്തർ, സൗദി അറേബ്യ, കുവൈറ്റ്, റഷ്യ എന്നീ രാജ്യങ്ങളിലെ ഭരണാധികാരികളുമായി തുർക്കി പ്രസിഡൻറ് റജബ് ത്വയ്യിബ് ഉർദുഗാൻ ഫോണിൽ സംസാരിച്ചു. നിലവിലെ പ്രതിസന്ധിക്ക് അയവു വരുത്താനുള്ള നീക്കമാണ് പുരോഗമിക്കുന്നതെന്ന് തുർക്കി പ്രസിഡൻറിനോട് അടുത്ത വൃത്തങ്ങൾ അറിയിച്ചതായി അൽ ജസീറ റിപ്പോർട്ട് ചെയ്തു. 

മേഖലയിലെ സമാധാനവും സ്ഥിരതയും ഉറപ്പു വരുത്തുകയാണ് സംഭാഷണത്തിലൂടെ തുർക്കി ലക്ഷ്യമിടുന്നത്. നയതന്ത്ര നീക്കത്തിലൂടെയും ചർച്ചകളിലൂടെയും വിഷയം പരിഹരിക്കാൻ ശ്രമിക്കുന്നതായി തുർക്കി അധികൃതർ അറിയിച്ചു. 

തിങ്കളാഴ്ചയാണ് ഖ​ത്ത​റു​മാ​യു​ള്ള ന​യ​ത​ന്ത്ര​ബ​ന്ധം സൗ​ദി ​അ​റേ​ബ്യ​യും യു.​എ.​ഇ​യും ബ​ഹ്​​റൈ​നും ഇൗ​ജി​പ്​​തും വി​ച്ഛേ​ദി​ച്ചത്. ഭീ​ക​ര​ഗ്രൂ​പ്പു​ക​​ളെ ഖ​ത്ത​ർ പി​ന്തു​ണ​ക്കു​ന്നു​വെ​ന്നും മ​റ്റു രാ​ജ്യ​ങ്ങ​ളു​ടെ ആ​ഭ്യ​ന്ത​ര പ്ര​ശ്​​ന​ങ്ങ​ളി​ൽ അ​നാ​വ​ശ്യ ഇ​ട​പെ​ട​ൽ ന​ട​ത്തു​ന്നു​വെ​ന്നും ആ​രോ​പി​ച്ചാ​യിരുന്നു​ മേ​ഖ​ല​യെ ഞെ​ട്ടി​ച്ച ന​ട​പ​ടി. ദോ​ഹ​യി​ലെ ത​ങ്ങ​ളു​ടെ ന​യ​ത​ന്ത്ര പ്ര​തി​നി​ധി​ക​ളെ പി​ൻ​വ​ലി​ക്കു​ന്ന​താ​യും ഖ​ത്ത​റി​ലേ​ക്കും തി​രി​ച്ചു​മു​ള്ള ഗ​താ​ഗ​തം നി​ർ​ത്തി​വെ​ക്കു​ന്ന​താ​യും നാ​ലു രാ​ജ്യ​ങ്ങ​ളും പ്ര​ഖ്യാ​പി​ച്ചു. 

ഇതിന് പിന്നാലെ ന​യ​ത​ന്ത്ര​ബ​ന്ധം വി​ച്ഛേ​ദി​ച്ചത് നീ​തീ​ക​രി​ക്കാ​നാ​കാ​ത്ത​ നടപടിയാണെന്ന് ഖ​ത്ത​ർ വി​ദേ​ശ​കാ​ര്യ മ​ന്ത്രാ​ല​യം പ്രതികരിച്ചു. തീ​രു​മാ​ന​ത്തി​ൽ മ​ന്ത്രാ​ല​യം ക​ടു​ത്ത പ്ര​തി​ഷേ​ധം രേ​ഖ​പ്പെ​ടു​ത്തി. ഖ​ത്ത​റി​െ​ന ല​ക്ഷ്യ​മി​ട്ട്​ ന​ട​ക്കു​ന്ന നു​ണ​പ്ര​ചാ​ര​ണ​ങ്ങ​ൾ മൂ​ർ​ധ​ന്യാ​വ​സ്ഥ​യി​ൽ എ​ത്തി​യി​രി​ക്കു​ക​യാ​െ​ണ​ന്നും മ​ന്ത്രാ​ല​യം ആ​രോ​പി​ച്ചു.