Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഇസ്രായേലിൽ...

ഇസ്രായേലിൽ സഖ്യസർക്കാറിനെതിരെ പ്രതിഷേധ പ്രകടനം

text_fields
bookmark_border
ഇസ്രായേലിൽ സഖ്യസർക്കാറിനെതിരെ പ്രതിഷേധ പ്രകടനം
cancel
camera_alt?????????????????? ?????????? ????? ????????? ???????? ????? ??????? |??????: ?.????.??

തെൽഅവീവ്​: ബിന്യമിൻ നെതന്യാഹുവും മുൻ തെരഞ്ഞെടുപ്പ് എതിരാളി ബെന്നി ഗാൻറ്​സും തമ്മിലുള്ള സഖ്യ സർക്കാരിനെതിരെ ഇസ്രായേലിൽ പ്രതിഷേധം. ശനിയാഴ്ച രാത്രിയാണ്​ നൂറുകണക്കിന് ഇസ്രായേൽ പൗരൻമാർ തെൽഅവീവിൽ പ്രകടനം നടത്തിയത്​.

സഖ്യകരാർ നിയമവിരുദ്ധമാണെന്ന് വാദിക്കുന്ന എട്ട് ഹരജികൾ സുപ്രീംകോടതി പരിഗണിക്കാനിരിക്കെയാണ്​ പ്രതിഷേധം. 1500 ഓളം പേർ അണിനിരന്ന പ്രകടനം കോവിഡ് -19 ​​​​​െൻറ പശ്ചാത്തലത്തിൽ സാമൂഹിക അകലം പാലിച്ചാണ്​ മുന്നേറിയതെന്ന്​ എ.എഫ്‌.പി റിപ്പോർട്ട്​ ചെയ്​തു. ‘36 കാബിനറ്റ് മന്ത്രിമാരുള്ള സർക്കാറിനെക്കുറിച്ച് ലജ്ജതോന്നുന്നു’ എന്ന്​ പ്രതിഷേധക്കാർ മുദ്രാവാക്യം മുഴക്കി.

പാർലമ​​​​െൻറ്​ തെരഞ്ഞെടുപ്പിൽ ആർക്കും ഭൂരിപക്ഷം ലഭിക്കാത്ത സാഹചര്യത്തിലാണ്​ ലി​കു​ഡ് പാ​ര്‍ട്ടിയെ പ്രതിനിധീകരിക്കുന്ന നെതന്യാഹുവും ബ്ലൂ ​ആ​ന്‍ഡ് വൈ​റ്റ് പാ​ര്‍ട്ടി​യുടെ ബെ​ന്നി ഗാ​ന്‍റ്സും കഴിഞ്ഞമാസം സഖ്യസർക്കാർ രൂപീകരിക്കാൻ ഉടമ്പടി ഒപ്പുവെച്ചത്​. മൂന്നു തെരഞ്ഞെടുപ്പുകൾ അഭിമുഖീകരിച്ച, 17 മാസം നീണ്ട രാഷ്ട്രീയ പ്രതിസന്ധിക്കാണ് ഇസ്രായേലിൽ ഇതോടെ അവസാനമായത്. കരാർ പ്രകാരം മൂന്നുവർഷ ഭരണത്തി​​​​​െൻറ ആദ്യ പകുതിയിൽ നെതന്യാഹു പ്രധാനമന്ത്രി സ്​ഥാനം വഹിക്കും. അടുത്ത വർഷം ഒക്ടോബറിൽ ഗാൻറ്​സ്​ പ്രധാനമന്ത്രി സ്ഥാനം ഏറ്റെടുക്കും.

സഖ്യസർക്കാർ വീണാൽ ഇസ്രായേൽ ഒരുവർഷത്തിനിടെ നാലാമതൊരു തെരഞ്ഞെടുപ്പ്​ കൂടി അഭിമു​ഖീകരിക്കേണ്ടി വരും. അഴിമതി ആരോപണങ്ങളിൽ വിചാരണ നേരിടുന്ന നെതന്യാഹുവിനെതിരെ ജനുവരിയിൽ കൈക്കൂലി, വഞ്ചന, വിശ്വാസലംഘനം എന്നീ കുറ്റങ്ങൾ ചുമത്തിയിരുന്നു. ഈ കേസിൽ  മാർച്ചിൽ നടക്കേണ്ടിയിരുന്ന വിചാരണ മേയ് 24 നേക്ക്​ മാറ്റിവച്ചിരുന്നു.

ക​ഴി​ഞ്ഞ ഏ​പ്രി​ൽ, സെ​പ്​​റ്റം​ബ​ർ മാ​സ​ങ്ങ​ളി​ൽ ന​ട​ന്ന തെ​ര​ഞ്ഞെ​ടു​പ്പി​ൽ നെ​ത​ന്യാ​ഹു​വി​​ന്‍റെ പാ​ർ​ട്ടിക്ക്​ കേ​വ​ല ഭൂ​രി​പ​ക്ഷം നേ​ടാനായില്ല. 120 അംഗ പാർലമ​​​​െൻറിൽ 61 സീറ്റാണ്​​ കേവല ഭൂരിപക്ഷത്തിനു വേണ്ടത്​. 33 സീറ്റ്​ നേടിയ ബ്ലൂ ആന്‍റ് വൈറ്റ്​ പാർട്ടിയാണ്​ ഏറ്റവും വലിയ ഒറ്റക്കക്ഷി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:NetanyahuIsraeltel avivcoalitionGantz
News Summary - Protesters rally in Israel against Netanyahu-Gantz coalition
Next Story