വി​വ​രം ചോ​ർ​ത്തി​യ ഉ​പ​ദേ​ഷ്​​ടാ​വി​നെ പു​റ​ത്താ​ക്കൽ; പാക്​ സൈന്യവും സർക്കാരും രണ്ടു തട്ടിൽ

ഇ​സ്​​ലാ​മാ​ബാ​ദ്​: അതീവ രഹസ്യ സ്വഭാവമുള്ള രേഖകൾ ചോർത്തിയ ഉന്നതതല ഉദ്യോഗസ്​ഥനെ പുറത്താക്കുന്ന നടപടിയിൽ പാക്​ സർക്കാരും സൈനിക നേതൃത്വവും രണ്ടു തട്ടിൽ. ഉ​ന്ന​ത​ത​ല സു​ര​ക്ഷ യോ​ഗ​ത്തി​​െൻറ വി​വ​ര​ങ്ങ​ൾ ചോ​ർ​ത്തി ന​ൽ​കി​യ വി​ദേ​ശ​കാ​ര്യ പ്ര​ത്യേ​ക ഉ​പ​ദേ​ഷ്​​ടാ​വി​നെ പുറത്താക്കാനുള്ള പാ​ക്​ പ്ര​ധാ​ന​മ​​ന്ത്രി ന​വാ​സ്​ ശ​രീ​ഫി​​െൻറ നീക്കം സൈന്യം തടഞ്ഞതോടെയാണ്​ ഇരുകൂട്ടരും തമ്മിലുള്ള ഭിന്നത മറനീക്കിയത്​. താരിഖ് ഫാതിമിക്കെതിരായ റിപ്പോർട്ട് അപൂർണമാണെന്ന് ചൂണ്ടിക്കാട്ടിയാണ് പാക്​ സൈനിക നേതൃത്വം സർക്കാർ നിർദേശം തള്ളിയത്.  

ഡോ​ൺ പ​ത്ര​ത്തി​ന്​ വി​വ​ര​ങ്ങ​ൾ ചോ​ർ​ത്തി ന​ൽ​കി​യ സം​ഭ​വ​ത്തി​ലാണ്​ താ​രി​ഖ്​ ഫ​ാതിമി​യെ​ പു​റ​ത്താ​ക്കാൻ സർക്കാർ ഉത്തരവിട്ടത്​. ഇതിനെതിരെ സൈന്യം രംഗത്തെത്തിയതോടെ ശരീഫ്​ പ്രതിരോധത്തിലായി. കഴിഞ്ഞ ഒക്​ടോബറിലണ്​ സംഭവം നടന്നത്​. ദേ​ശീ​യ സു​ര​ക്ഷ​യു​മാ​യി ബ​ന്ധ​പ്പെ​ട്ട യോ​ഗ​ത്തെ കു​റി​ച്ച്​ പാക്​സൈന്യവും സർക്കാരും തമ്മിലുള്ള ഭിന്നത​ ഡോ​ൺ മുഖ്യവാർത്തയാക്കുകയായിരുന്നു. പാ​കി​സ്​​താ​നി​ൽ​നി​ന്നു പ്ര​വ​ർ​ത്തി​ക്കു​ന്ന ഭീ​ക​ര​സം​ഘ​ട​ന​ക​ളെ സം​ബ​ന്ധി​ച്ച്​ സി​വി​ലി​യ​ന്മാ​രും സൈ​നി​ക മേ​ധാ​വി​ക​ളും ത​മ്മി​ൽ നി​ല​നി​ൽ​ക്കു​ന്ന അ​ഭി​പ്രാ​യ​ ഭി​ന്ന​ത​യായിരുന്നു വാ​ർ​ത്തയുടെ ​പ്രതിപാദ്യം. ഇ​ന്ത്യ​ക്കും അ​ഫ്​​ഗാ​നി​സ്​​താ​നു​മെ​തി​രെ​യു​ള്ള ഒ​ളി​യു​ദ്ധ​ത്തി​ന്​ ഇ​രു സം​ഘ​ങ്ങ​ളും ഒ​ന്നി​ച്ചു നി​ൽ​ക്കു​ന്ന​താ​യും സൂചിപ്പിച്ചിരു​ന്നു. 

വിവാദമായതോടെ സം​ഭ​വ​ത്തെ കുറിച്ച്​ അ​ന്വേ​ഷ​ണം ന​ട​ത്തു​ന്ന​തി​ന്​ ക​ഴി​ഞ്ഞ വ​ർ​ഷം ​ ,വിരമിച്ച ജഡ്​ജി ആമിർ റാസാഖാൻ അധ്യക്ഷനായുള്ള പ്രത്യേക ക​മ്മി​റ്റി​യെ നി​യ​മി​ക്കു​ക​യും ചെ​യ്​​തു. അന്വേഷണത്തിൽ ഫ​ാതിമി​യു​ടെ പ​ങ്ക്​ വ്യ​ക്​​ത​മാ​യ​തി​നാൽ ഇ​ദ്ദേ​ഹ​ത്തെ സ്​​ഥാ​ന​ത്തു​നി​ന്ന്​  പു​റ​ത്താ​ക്ക​ണ​മെ​ന്ന അ​ന്വേ​ഷ​ണ ക​മ്മി​റ്റി​യു​ടെ നി​ർ​ദേ​ശ​ത്തെ തു​ട​ർ​ന്നാ​യിരുന്നു​ ശരീഫി​​െൻറ ന​ട​പ​ടി.  ഡോ​ൺ പ​ത്ര​ത്തി​​െൻറ എ​ഡി​റ്റ​ർ സ​ഫ​ർ അ​ബ്ബാ​സി​നും റി​പ്പോ​ർ​ട്ട​ർ സി​റി​ൽ അ​ൽ​മെ​യ്​​ദ​ക്കു​മെ​തി​രെ അ​ച്ച​ട​ക്ക ന​ട​പ​ടി സ്വീ​ക​രി​ക്കാ​ൻ പാ​കി​സ്​​താ​ൻ ന്യൂ​സ്​​പേ​പ്പ​ർ​സ്​ സൊ​സൈ​റ്റി​യോ​ട്​ ആ​വ​ശ്യ​പ്പെ​ടു​മെ​ന്നും ശ​രീ​ഫ്​ വ്യക്തമാക്കിയിരുന്നു.