അനുവാദമില്ലാതെ സ്​കൂളി​ൽ കയറി; ​ഇന്ത്യൻ ജേണലിസ്​റ്റ്​ ശ്രീലങ്കയിൽ അറസ്​റ്റിൽ

കൊളംബോ: അനുവാദമില്ലാതെ സ്​കൂളിൽ പ്രവേശിച്ചതിന്​ ഇന്ത്യക്കാരനായ ഫോ​ട്ടോ ജേണലിസ്​റ്റ്​ ശ്രീലങ്കയിൽ അറസ്​റ്റിൽ. േറായിട്ടർ ന്യൂസ്​ ഏജൻസിയുടെ ഡൽഹി ജേണലിസ്​റ്റായ​​ സിദ്ദിഖി അഹ്​മ്മദ്​ ഡാനിഷ് ആണ്​ അറസ്​റ്റിലായത്​. ഈസ്​റ്റർ ദിനത്തിലെ സ്​ഫോടന പരമ്പരയുടെ ബാക്കിപത്രം സംബന്ധിച്ച ചിത്രങ്ങളെടുക്കാൻ ശ്രീലങ്കയിൽ എത്തിയതായിരുന്നു ഇദ്ദേഹം.

നിഗോംബോ സിറ്റിയിലെ സ്​കൂൾ അധികൃതരിൽ നിന്ന്​ വിവരങ്ങൾ ശേഖരിക്കുന്നതിനായി സ്​കൂളിലേക്ക്​ പ്രവേശിക്കുകയായിരുന്നു. അനധികൃതമായി സ്​കൂൾ കാമ്പസിൽ കയറി എന്ന കുറ്റം ചുമത്തിയാണ്​ അറസ്​റ്റ്​ ചെയ്​തത്​. നിഗോംബോ മജിസ്​ട്രേറ്റ്​ കോടതി ഇ​ദ്ദേഹത്തെ മെയ്​ 15 വരെ റിമാൻഡ്​ ചെയ്​തു.

സ്​ഫോടന പരമ്പരയിൽ കൊല്ലപ്പെട്ട കുട്ടികളുടെ വിവരങ്ങൾ ശേഖരിക്കുന്നതിനാണ്​ ഇദ്ദേഹം സ്​കൂളിലേക്ക്​ കയറിയത്​. ആ സമയം സ്​കൂളിലുണ്ടായിരുന്നന രക്ഷിതാക്കൾ പൊലീസിൽ വിവരമറിയിക്കുകയായിരുന്നുവെന്ന്​ പ്രാദേശിക മാധ്യമങ്ങൾ റിപ്പോർട്ട്​ ചെയ്യുന്നു.

250 പേർ കൊല്ലപ്പെട്ട സ്​ഫോടന പരമ്പരുടെ അവശേഷിപ്പുകളെ സംബന്ധിച്ച വിവരങ്ങൾ ശേഖരിക്കുന്നതിനായി താത്​കാലികമായാണ്​ സിദ്ദിഖിയെ ശ്രീലങ്കയിലേക്ക്​ റോയി​ട്ടേഴ്​സ്​ നിയോഗിച്ചിരുന്നത്​.
​