കശ്​മീർ പാകിസ്​താൻെറ രക്തത്തിലലിഞ്ഞതെന്ന്​; മുഷറഫ്​ വീണ്ടും രാഷ്​ട്രീയത്തിലേക്ക്​

ഇസ്​ലാമാബാദ്​: പാകിസ്​താൻ മുൻ സൈനിക തലവൻ പർവേസ്​ മുഷറഫ്​ വീണ്ടും സജീവ രാഷ്​ട്രീയത്തിലേക്കെന്ന്​ സൂചന. ആരോഗ്യസംബന്ധമായ കാരണങ്ങളാൽ കഴിഞ്ഞ വർഷം മുതൽ മുഷറഫ്​ രാഷ്​ട്രീയ പ്രവർത്തനങ്ങളിൽ നിന്ന്​ വിട്ടുനിൽക്കുകയാണ്​. ആരോഗ്യനില മെച്ചപ്പെട്ടതിനെ തുടർന്ന്​ അദ്ദേഹം രാഷ്​ട്രീയത്തിൽ സജീവമാവാനൊരുങ്ങുകയാണെന്ന്​ പാക്​ മാധ്യമങ്ങൾ റിപ്പോർട്ട്​ ചെയ്യുന്നു.

ദുബൈയിലുള്ള മുഷറഫ്​ തൻെറ പാർട്ടിയായ ഓൾ പാകിസ്​താൻ മുസ്​ലിം ലീഗ്​(എ.പി.എം.എൽ) ​ൻെറ സ്ഥാപക ദിനത്തിൽ ഇസ്​ലാമാബാദിൽ ഒത്തുകൂടിയ പാർട്ടി അനുയായികളെ അദ്ദേഹം ഫോൺവഴി അഭിസംബോധന ​െചയ്​തു. കശ്​മീർ പാകിസ്​താൻെറ രക്തത്തിലുള്ളതാണെന്ന്​ മുഷറഫ്​ അഭിപ്രായപ്പെട്ടു. കശ്​മീരുമായി ബന്ധപ്പെട്ട് സമാധാന ചർച്ചകൾക്ക്​ പകരം​ ഇന്ത്യ പാകിസ്​താനെ നിരന്തരം ഭീഷണി​പ്പെടുത്തുകയാണെന്നും അദ്ദേഹം പറഞ്ഞു.

കശ്​മീരി സഹോദരങ്ങൾക്കൊപ്പം നിൽക്കുന്നത്​ തുടരുമെന്നും സമാധാനത്തിനുള്ള പാകിസ്​താൻെറ ആഗ്രഹം ഒരു ദൗർബല്യമായി കാണരുതെന്നുമായിരുന്നു ഇന്ത്യ ആർട്ടിക്കിൾ 370 റദ്ദാക്കിയപ്പോൾ മുഷറഫിൻെറ അഭിപ്രായ പ്രകടനം. 2016 മുതൽ പർവേസ്​ മുഷറഫ്​ ദുബൈയിലാണ്​ കഴിയുന്നത്​. 2007ൽ ഭരണഘടന റദ്ദ്​ ചെയ്​തതിന്​ മുഷറഫിൻെറ പേരിൽ​ രാജ്യ​േ​ദ്രാഹ കുറ്റമുണ്ടായിരുന്നു.

1999 മുതൽ 2008 വരെ പാകിസ്​താൻ ഭരണാധികാരിയായിരുന്ന മുഷറഫിനെ പിന്നീട്​​ ബേനസീർ ഭൂ​ട്ടോ വധക്കേസില​ും റെഡ്​ മോസ്​കിറ്റോ ​ക്ലറിക്​ കൊലക്കേസിലും പിടികിട്ടാപ്പ​ുള്ളിയായി പ്രഖ്യാപിച്ചിര​ുന്നു.