വധശിക്ഷ തനിക്കെതിരായ പകപോക്കലെന്ന് മു​ശ​ർ​റ​ഫ്

ഇസ്ലാമാബാദ്: പാക് കോടതി വിധിച്ച വധശിക്ഷ തനിക്കെതിരായ പകപോക്കലാണെന്ന് മുൻ പ്രസിഡന്‍റ് പർവേസ് മു​ശ​ർ​റ​ഫ്. 2007ല്‍ ഭരണഘടന അട്ടിമറിച്ച് അടിയന്തരാവസ്ഥ ഏർപ്പെടുത്തിയതിനും ഭരണം പിടിച്ചെടുത്തതിനും രാജ്യദ്രോഹക്കുറ്റം ചുമത്തി പെഷവാറിലെ പ്രത്യേക കോടതി മു​ശ​ർ​റ​ഫിന് വധശിക്ഷ വിധിച്ചിരുന്നു. വിധിക്ക് ശേഷം ആദ്യമായാണ് മു​ശ​ർ​റ​ഫ് പ്രതികരിക്കുന്നത്.

മു​ശ​ർ​റ​ഫിന്‍റെ പാർട്ടിയായ ഓൾ പാകിസ്താൻ മുസ്ലിം ലീഗ് പുറത്തുവിട്ട വിഡിയോയിലാണ് തനിക്കെതിരെ വ്യക്തിവൈരാഗ്യം തീർക്കുകയാണെന്ന് അദ്ദേഹം ആരോപിച്ചത്. ഭരണഘടനാപരമായി ഈ കേസ് പരിഗണിക്കേണ്ട സാഹചര്യം ഇല്ലായിരുന്നു. തന്നെ ചിലർ ലക്ഷ്യമിടുകയാണ്. തനിക്കെതിരെ പ്രവർത്തിച്ച ഉന്നതർ പദവി ദുരുപയോഗം ചെയ്യുകയാണെന്നും മു​ശ​ർ​റ​ഫ് ആരോപിച്ചു.

നിയമവിദഗ്ധരുമായി കൂടിയാലോചിച്ച് ഭാവികാര്യങ്ങൾ തീരുമാനിക്കും. നീതി ലഭ്യമാകുമെന്നാണ് പ്രതീക്ഷയെന്ന് മു​ശ​ർ​റ​ഫ് പറഞ്ഞു.

മു​ശ​ർ​റ​ഫി​ന്​ പി​ന്തു​ണ​യു​മാ​യി പാ​കി​സ്​​താ​ൻ സൈ​ന്യം രംഗത്തെത്തിയിരുന്നു. രാ​ജ്യ​സു​ര​ക്ഷ​ക്കാ​യി യു​ദ്ധ​ങ്ങ​ളി​ൽ പോ​രാ​ടി​യ​ മു​ശ​ർ​റ​ഫ്​​​ രാ​ജ്യ വ​ഞ്ച​ക​ന​ല്ലെ​ന്ന്​ സൈ​നി​ക വ​ക്താ​വ്​ മേ​ജ​ർ ജ​ന​റ​ൽ ആ​സി​ഫ്​ ഗ​ഫൂ​ർ പ​റ​ഞ്ഞിരുന്നു. മു​ശ​ർ​റ​ഫിനെ പിന്തുണക്കുന്നവർ പാകിസ്താനിൽ പ്രതിഷേധ റാലികൾ സംഘടിപ്പിച്ചിരുന്നു.

2013ലാണ് പര്‍വേസ് മു​ശ​ർ​റ​ഫിനെതിരെ രാജ്യദ്രോഹക്കുറ്റം ചുമത്തിയത്. 2014 മാര്‍ച്ച് 31ന് അദ്ദേഹം കുറ്റക്കാരനാണെന്ന് കണ്ടെത്തി. 2016ൽ പാകിസ്താൻ വിട്ട മു​ശ​ർ​റ​ഫ് നിലവിൽ ദുബൈയിലാണ് കഴിയുന്നത്.