പാക്​ മനുഷ്യാവകാശ പ്രവർത്തക അസ്​മ ജഹാംഗീർ അന്തരിച്ചു

ലാഹോർ: പാക്​ മനുഷ്യാവകാശ പ്രവർത്തകയും മുതിർന്ന അഭിഭാഷകയുമായ അസ്​മ ജഹാംഗീർ (66) അന്തരിച്ചു. ഹൃദയസ്​തംഭനത്തെ തുടർന്ന്​ ഞായറാഴ്​ച പുലർ​ച്ചെ ലഹോറിലെ ഹമീദ്​ ലത്തീഫ്​  ആശുപത്രിയിൽ വെച്ചായിരുന്നു അന്ത്യം. സഹോദരി ഹിന ജിലാനിയാണ്​​ മരണവിവരം പുറത്തുവിട്ടത്​. 

ജഹാംഗീറി​​​​െൻറ മരണവിവരം അറിഞ്ഞ്​ സാമൂഹിക പ്രവർത്തകരും അഭിഭാഷകരുമുൾ​െപ്പടെ നിരവധിപേർ സമൂഹ മാധ്യമങ്ങളിലൂടെയും അല്ലാതെയും അനുശോചനം രേഖപ്പെടുത്തി. 

 െഎക്യരാഷ്​ട്രസഭയുടെ മുൻ റിപ്പോർട്ട​ർ, പാക്​ സുപ്രീംകോടതി ബാർ അസോസിയേഷൻ പ്രസിഡൻറ്​, മനുഷ്യാവകാശ കമീഷൻ സ്​ഥാപകാംഗം, ചെയർമാൻ എന്നീ നിലകളിൽ പ്രവർത്തിച്ചിട്ടുണ്ട​്​. 

പാകിസ്​താനിൽ ജനാധിപത്യം പുനഃസ്​ഥാപിക്കാൻ നടത്തിയ പ്ര​േക്ഷാഭത്തെ തുടർന്ന്​ 1983ൽ  സിയാഉൽ ഹഖി​​​െൻറ ഭരണകാലത്ത്​ ഇവർ ജയിലിലടക്കപ്പെട്ടു. 2007ൽ പർവേസ്​ മുശർറഫി​​​െൻറ പട്ടാളഭരണകാലത്തും ഇവർ അറ​സ്​റ്റ്​ ചെയ്യപ്പെട്ടു. 
ചീഫ്​ ജസ്​റ്റിസ്​ ഇഫ്​തിഖാർ ചൗധരിയെ പുറത്താക്കിയതിനെതിരെ നടന്ന അഭിഭാഷക സമരത്തിലും മുൻനിരയിലുണ്ടായിരുന്നു. സുപ്രീം​േകാടതിയുടെ ജുഡീഷ്യൽ ആക്​ടിവിസത്തിന്​ എതിരെയും ശബ്​ദമുയർത്തി.

 പ്രധാനമന്ത്രി നവാസ്​ ശരീഫിനെ അയോഗ്യനാക്കിയ കോടതി ഉത്തരവിനെ വിമർശിച്ചു. ത​​​െൻറ ജീവന്​ ​പാക്​ ചാരസംഘടനയായ ​െഎ.എസ്​.​െഎയിൽനിന്ന്​ ഭീഷണിയുണ്ടെന്ന്​ 2012ൽ അസ്​മ ജഹാംഗീർ പറഞ്ഞിരുന്നു. റൈറ്റ്​ ലൈവ്​ലിഹുഡ്​ പുരസ്​കാരം, ഫ്രീഡം അവാർഡ്​ എന്നിവ ഉൾപ്പെടെ നിരവധി അംഗീകാരങ്ങൾ നേടിയിരുന്നു. 
നിര്യാണത്തിൽ പാകിസ്​താൻ ചീഫ് ​ജസ്​റ്റിസ്​ മിയാൻ സാഖിബ്​ നിസാർ, മുൻ പ്രധാനമന്ത്രി നവാസ്​ ശരീഫ്​, മുൻ പ്രസിഡൻറ്​ ആസിഫ്​ അലി സർദാരി, തെഹ്​രീകെ ഇൻസാഫ്​ പാർട്ടി ചെയർമാൻ ഇംറാൻ ഖാൻ എന്നിവർ അനുശോചിച്ചു.  
ബി​സി​ന​സു​കാ​ര​നാ​യ ത​ഹ്​​രീ​ർ ജ​ഹാം​ഗീ​ർ ആ​ണ ്​ഭ​ർ​ത്താ​വ്. മൂ​ന്നു​മ​ക്ക​ൾ.