ബലൂചിസ്​താനിൽ നിന്നുള്ള രണ്ട്​ ബിരുദധാരികളെ പാക്​ സേന വധിച്ചു

ഇസ്​ലാമാബാദ്​: ബലൂചിസ്​താനെതിരായ അവഗണനയിൽ നിരന്തരം പ്രതിഷേധിച്ചിരുന്ന രണ്ട്​ ബിരുദധാരികളെ പാകിസ്​താൻ സുരക്ഷാ സേന വധിച്ചതായി റിപ്പോർട്ട്. ഇസ്​ലാമാബാദ്​ ഖായിദെ ആസാം യൂണിവേഴ്​സിറ്റിയിൽ നിന്നുള്ള ഷഹ്​ദാദ്​ ബലൂച്​, ഇഹ്​സാൻ ബലൂച്​ എന്നിവരാണ് ശനിയാഴ്​ച കൊല്ലപ്പെട്ടത്​. 

ബലൂചിസ്​താനിലെ വിഭവങ്ങൾ അനിയന്ത്രിതമായി ചൂഷണം ചെയ്യുകയും പ്രദേശവാസികളോട്​ കടുത്ത മനുഷ്യാവകാശ ലംഘനങ്ങൾ നടത്തുകയും ചെയ്യുന്ന പാക്​ അധികൃതർക്കെതിരെ ശക്​തമായി  ശബ്‌ദിച്ചവാരിയിരുന്നു മരിച്ച രണ്ട്​ പേരും. ബലൂച്​ ലിബറേഷൻ ആർമിയുടെ ഭാഗമായിരുന്നു രണ്ട്​ പേരുമെന്ന റിപ്പോർട്ടുകളുമുണ്ട്​. 

ബലൂചികൾക്കെതിരായ വിവേചനത്തിൽ പ്രതിഷേധിച്ച്​ നിരവധി വിദ്യാർഥകളടക്കം പ്രതിഷേധ രംഗത്തുണ്ട്​. ബലൂചിസ്​താനെ സ്വതന്ത്രമാക്കുക എന്ന ആവശ്യവുമായി സായുധമായി സംഘടിക്കാനും പലരും ഇപ്പോൾ തയാറാകുന്നുണ്ട്​. 

ചൈന പാക്​ സാമ്പത്തിക ഇടനാഴി പോലുള്ള പദ്ധതികൾ ബലൂചികളുടെ ജീവതത്തിൽ ഒരു മാറ്റവും വരുത്തുന്നില്ലെന്നും കട​ുത്ത വിവേചനങ്ങൾക്കും മനുഷ്യാവശകാശ ലംഘനങ്ങൾക്കും ഇരയാകുകയാണ്​ ബലൂചികളെന്നുമാണ്​ പ്രതിഷേധക്കാർ ഉന്നയിക്കുന്നത്​. 

പ്രകൃതി വിഭവങ്ങളാൽ സമ്പന്നമായ പാക്​ പ്രവി​ശ്യയാണ്​ ബലൂചിസ്​താൻ. അതേസമയം, വികസനത്തി​​െൻറ കാര്യത്തിൽ ഇൗ പ്രദേശം എറ്റവും പിറകിലുമാണ്​.