പാകിസ്​താനിൽ കോവിഡ്​ ബാധിതരുടെ എണ്ണം 186; കൂടുതൽ സിന്ദ്​ പ്രവിശ്യയിൽ

ഇസ്​ലാമാബാദ്​: മഹാമാരിയായ കോവിഡ്​ 19 പാകിസ്​താനിലും പടരുന്നു. 48 മണിക്കൂറിനുള്ളിൽ ഡസനിലധികംപേർക്ക്​ പുതുതായി രോഗബാധ കണ്ടെത്തി. ഇതുവരെ 186 പേർക്കാണ്​ ഇവിടെ രോഗം സ്​ഥിരീകരിച്ചത്​. സിന്ദ്​ പ്രവിശ്യയിലാണ്​ ഏറ്റവുമധികം രോഗികളുള്ളത്​. ഇവിടെ 146 കേസുകൾ റിപ്പോർട്ട്​ ചെയ്​തു.

ഖൈബർ പഖ്​തൂൻഖ്വ, പഞ്ചാബ്​, ബലൂചിസ്​താൻ എന്നിവിടങ്ങളിലും പുതുതായി രോഗബാധ കണ്ടെത്തി. ഇറാനിൽ നിന്നെത്തിയവർക്കാണ്​ രാജ്യത്ത്​ കൂടുതലായും രോഗം സ്​ഥിരീകരിച്ചത്​. സിന്ദ്​ പ്രവിശ്യയിൽ119 പേർ സുക്കൂറിലും 26 പേർ ഖിയിലും ഒരാൾ ഹൈദിലുമാണ്​. ഇവരെല്ലാം പ്രത്യേക നിരീക്ഷണത്തിലാണെന്ന്​ സിന്ദ്​ മുഖ്യമന്ത്രിയുടെ ഉ​പദേഷ്​ടാവ്​ മുർതാസ വഹാബ്​ അറിയിച്ചു. ഖൈബർ പഖ്​തൂൻഖ്വയിൽ 15 പേർക്കാണ്​ രോഗം സ്​ഥിരീകരിച്ചത്.