പാകിസ്താനിൽ മാധ്യമപ്രവർത്തകനെ വെടിവെച്ച് കൊന്നു

കറാച്ചി: പാകിസ്താനിലെ 'ബോൽ ന്യൂസ്' വാർത്താ ചാനലിലെ മാധ്യമപ്രവർത്തകനെ വെടിവെച്ച് കൊന്നു. മുരീദ് അബ്ബാസ് എന്ന മ ാധ്യമപ്രവർത്തകനാണ് മരിച്ചത്. മുരീദിന്‍റെ സുഹൃത്തിനും വെടിവെപ്പിൽ പരിക്കേറ്റു. സാമ്പത്തിക പ്രശ്നങ്ങളാണ് കൊലപാതകത്തിൽ കലാശിച്ചതെന്നാണ് പൊലീസ് പറയുന്നത്.

ഖയാബൻ-ഇ-ബുഖാരി പ്രദേശത്ത ഒരു കഫേക്ക് പുറത്തുവെച്ചായിരുന്നു സംഭവം. ആതിഫ് സമാൻ എന്നയാൾ കാറിലെത്തി വെടിയുതിർക്കുകയായിരുന്നെന്ന് പൊലീസ് പറഞ്ഞു. ഇയാളെ വീട്ടിൽനിന്ന് പൊലീസ് അറസ്റ്റ് ചെയ്തു.

കൊലപാതകത്തിനുശേഷം അക്രമി നെഞ്ചിൽ വെടിവെച്ച് ആത്മഹത്യക്ക് ശ്രമിക്കുന്നതിനിടെയാണ് പൊലീസ് എത്തിയത്. പരിക്കേറ്റ പ്രതിയെ ആശുപത്രിയിൽ പ്രവേശിപ്പിച്ചു.