പാകിസ്​താൻ ലോകത്തെ അഞ്ചാമത്തെ ആണവശക്​തിയാകുമെന്ന്​ റിപ്പോർട്ട്​

വാഷിങ്​ടൺ: പാകിസ്​താൻ ലോകത്തിലെ അഞ്ചാമത്തെ ആണവശക്​തിയാകുമെന്ന്​ പഠന റിപ്പോർട്ട്​. 140 മുതൽ 150 വരെ ആണവായുധങ്ങളാണ്​ പാകിസ്​താ​​​െൻറ കൈവശം നിലവിലുള്ളത്​. 2025 ആകു​​േമ്പാഴേക്കും ഇത്​ 220 മുതൽ 250 എണ്ണം വരെയായി വർധിക്കുമെന്നാണ് റിപ്പോർട്ടിൽ പറയുന്നത്​. അങ്ങനെയെങ്കിൽ ലോകത്തെ അഞ്ചാമത്തെ വലിയ ആണവശക്​തിയായി പാകിസ്​താൻ മാറുമെന്നാണ്​ റിപ്പോർട്ടിൽ വ്യക്​താക്കുന്നത്​.

അമേരിക്കക്കാരായ ഹനാസ്​ എം ക്രിസ്​റ്റീൻ, റോബർട്ട്​ എസ്​ നോറിസ്​, ജൂലിയ ഡയമണ്ട്​ എന്നിവർ പാകിസ്​താൻ ന്യൂക്ലിയർ ഫോഴ്​സ്​ 2018 എന്ന പേരിൽ പുറത്തിറക്കിയ പഠന റിപ്പോർട്ടിലാണ്​ ഇക്കാര്യങ്ങൾ വ്യക്​തമാക്കുന്നത്​. നിലവിൽ പ്ലൂ​േട്ടാണിയം നിർമാണത്തിന്​ ഉൾപ്പടെ വിപുലമായ സംവിധാനങ്ങൾ പാകിസ്​താനിലുണ്ടെന്നും ഇതിൽ പരാമർശിക്കുന്നു​.

ആണവായുധങ്ങൾ വഹിച്ച്​ നീങ്ങാനുള്ള ഹൃസ്വദൂര മിസൈലുകൾ വികസിപ്പിക്കാനുള്ള ശ്രമത്തിലാണ്​ പാകിസ്​താൻ. ആണവായുധ ആക്രമണങ്ങളെ തടയുന്നതിനൊടൊപ്പം ഇന്ത്യ ഉയർത്തുന്ന ഭീഷണി ചെറുക്കുക എന്നതും പാകിസ്​താ​​​െൻറ ലക്ഷ്യമാണെന്ന്​ റിപ്പോർട്ട്​ പറയുന്നു.