അതിർത്തിയിൽ ഇന്ത്യൻ ചാര ഡ്രോൺ വെടിവെച്ചു വീഴ്​ത്തിയെന്ന്​ പാകിസ്​താൻ

ഇസ്​ലമാബാദ്​: അതിർത്തിയിൽ ഇന്ത്യൻ ചാര ഡ്രോൺ വെടിവെച്ചു വീഴ്​ത്തിയതായി പാകിസ്​താൻ. മേജർ ജനറൽ ആസിഫ്​ ഗഫൂറാണ് ഇത് സംബന്ധിച്ച വിവരങ്ങൾ ട്വിറ്ററിലൂടെ പുറത്തുവിട്ടത്. രാഖ്​ചിക്രി സെക്​ടറിൽ നിയന്ത്രണ രേഖയും വ്യോമാതിർത്തിയും ലംഘിച്ചെത്തിയ  ഇന്ത്യൻ ചാര ഡ്രോൺ പാക്​ സൈനികർ വെടിവെച്ചു വീഴ്​ത്തുകയായിരുന്നുവെന്ന്​ ആസിഫ്​ ഗഫൂർ ട്വീറ്റ് ചെയ്തു. താഴെ വീണുകിടക്കുന്ന സി.ജെ.​െഎ ഫാൻറം ഡ്രോണി​​െൻറ ചിത്രവും മേജർ ജനറൽ ട്വിറ്ററിൽ പങ്കുവെച്ചിട്ടുണ്ട്​. 

Indian quadcopter spying across LOC in Rakhchikri sector shot down by Pak Army shooters. Wreckage held. pic.twitter.com/g9FG7EghPS

— Maj Gen Asif Ghafoor (@OfficialDGISPR) October 27, 2017

കഴിഞ്ഞ നവംബറിലും രാഖ്​ചിക്രി സെക്​ടറിൽ ഇന്ത്യൻ ചാര ഡ്രോൺ വെടിവെച്ചു വീഴ്​ത്തിയതായി പാക്​ സൈന്യം അവകാശപ്പെട്ടിരുന്നു. ആകാശ ദൃശ്യങ്ങൾ പകർത്താനുപയോഗിക്കുന്ന ഡ്രോൺ ഇന്ത്യ പാക് മേഖലയിലേക്ക്​ അയച്ചതായും 2015 ജൂലൈയിൽ പാക് സൈനിക വൃത്തങ്ങൾ ആരോപിച്ചിരുന്നു.