ഇന്ത്യയെ ആക്രമിക്കാൻ പാകിസ്​താനിൽ നിന്ന് ആയുധങ്ങൾ ലഭിക്കും-സലാലുദ്ദീൻ

ന്യൂഡൽഹി: ഇന്ത്യയിൽ നടക്കുന്ന തീവ്രവാദ ആക്രമണങ്ങൾ പാകിസ്​താൻ സ്​പോൺസർ ​െചയ്യുന്നതാണെന്ന്​ വ്യക്​തമാക്കുന്നതാണ്​ ഹിസ്​ബുൾ മുജാഹിദ്ദീൻ നേതാവ്​ സയ്യിദ്​ സലാലുദ്ദീൻ നൽകിയ ടി.വി അഭിമുഖമെന്ന്​ വിദേശകാര്യമന്ത്രാലയം. അമേരിക്ക ആഗോള തീവ്രവാദിയായി പ്രഖ്യാപിച്ച ശേഷം പാക്​ ന്യൂസ്​ ചാനലായ ജിയോ ടി.വിക്ക്​ നൽകിയ അഭിമുഖത്തിലാണ്​ തുറന്നു പറച്ചിൽ. ഇന്ത്യയിൽ ധാരാളം ആക്രമണങ്ങൾ നടത്തിയിട്ടുണ്ട്​. ഇന്ത്യയിൽ എവി​െടയും എപ്പോഴും ആക്രമണം നടത്താൻ ഇനിയും സാധിക്കും. അതിന്​ പാകിസ്​താനിൽ നിന്ന്​ ആയുധങ്ങൾ ലഭിക്കുന്നത്​ വളരെ എളുപ്പമാണെന്നും സലാല​ുദ്ദീൻ അഭിമുഖത്തിൽ ​െവളിപ്പെടുത്തി. 

അതിർത്തികടന്നുള്ള തീവ്രവാദ ആക്രമണങ്ങൾ തുടരുന്ന പാക്​ പോളിസിയുടെ തെളിവാണ്​ ഇൗ അഭിമുഖമെന്ന്​ വിദേശകാര്യ മന്ത്രാലയം പറഞ്ഞു. അയൽരാജ്യങ്ങളുമായുള്ള നയ വ്യത്യാസങ്ങൾക്കെതിരെ  തീവ്രവാദ ആക്രമണങ്ങൾ നടത്തുക എന്ന പാക്​ പോളിസിയെ തുറന്നു കാട്ടുന്നതാണ്​ സലാലുദ്ദീ​​​​െൻറ കുറ്റസമ്മതമെന്നും വിദേശകാര്യമന്ത്രാലയം പറയുന്നു. പാകിസ്​താനിൽ തീവ്രവാദ സംഘടനകൾക്ക്​ പ്രവർത്തന സ്വാതന്ത്ര്യം ലഭിക്കുന്നു​െവന്നും ഫണ്ടും ആയുധവും ലഭിക്കാൻ ബുദ്ധിമുട്ടില്ലെന്നതുമാണ്​ ഇൗ അഭിമുഖത്തി​​​​െൻറ പ്രധാനഭാഗങ്ങളെന്ന്​ വിദേശകാര്യ വക്​താവ്​ ഗോപാൽ ബാഗ്​ലെ പറഞ്ഞു. 

അബ്​ദുല്ല, മുഫ്​തി കുടുംബാംഗങ്ങൾ ഉൾപ്പെടെ സുരക്ഷാ സേനയെ സഹായിക്കുകയും അവർക്ക്​ വേണ്ടി ചാരപ്രവർത്തനം നടത്തുകയും ചെയ്യുന്നവർ ഹിസ്​ബുളി​ന്  വേണ്ടിയും ഇൗ പ്രവർത്തി ചെയ്യുന്നവരാണെന്ന്​ സലാലുദ്ദീൻ പറഞ്ഞു. ക​ശ്​മീരിൽ നിന്ന്​ ​െസെന്യ​െത്ത മാറ്റിയശേഷം അവിടെ തെരഞ്ഞെടുപ്പ്​ നടത്താൻ ഇന്ത്യയെ ​െവല്ലുവിളിക്കുന്നു. എന്നാൽ മാത്രമേ കശ്​മീരികൾ എങ്ങനെ വോട്ട്​ ചെയ്യു​െമന്ന്​ വ്യക്​തമാകൂ. എന്നാൽ, സയ്യിദ്​ ഗീലാനി, മിർവൈസ്​, ഷബ്ബീർ അഹ്​മദ്​ ഷാ, യാസിൻ മാലിക്​, സയ്യിദ്​ സലാലുദ്ദീൻ തുടങ്ങിയവരിലാരെങ്കിലും നേതാവായി വരുന്നത്​ കാണാം. കശ്​മീരി​െല യഥാർഥ നേതാവ്​ ആരാണെന്ന്​ ലോകത്തെല്ലാവർക്കുമറിയാമെന്നും സലാലുദ്ദീൻ പറഞ്ഞു. ആഗോള തീവ്രവാദിയായി പ്രഖ്യാപിച്ചത്​ ത​​​​െൻറ മേൽ പുഷ്​പവൃഷ്​ടി നടത്തിയതു പോലെയാണെന്നും സലാലുദ്ദീൻ കൂട്ടിച്ചേർത്തു.