ഇന്ത്യ ഈ മാസം ആക്രമണം നടത്തുമെന്ന്​ പാക്​ മന്ത്രി; അസംബന്ധമെന്ന്​ ഇന്ത്യ

ഇസ്​ലാമാബാദ്​: ഈ മാസം ഇന്ത്യ പാകിസ്​താനിൽ ആക്രമണം നടത്തുമെന്ന്​ പാക്​ വിദേശകാര്യ മന്ത്രി ഷാ മഹ്​മൂദ്​ ഖുറൈശ ി. രഹസ്യാന്വേഷണ​ ഏജൻസി റിപ്പോർട്ടുകളെ അടിസ്ഥാനമാക്കിയാണ്​ ഇക്കാര്യം വെളിപ്പെടുത്തുന്നതെന്ന്​ മുൽത്താനിൽ വ ാർത്തസമ്മേളനത്തിൽ അദ്ദേഹം പറഞ്ഞു​.

ഏപ്രിൽ 16നും 20നും ഇടക്കായിരിക്കും ഇന്ത്യൻ ആക്രമണമെന്ന്​ ഖുറൈശി പറഞ്ഞു. ഇതു മേഖലയിലെ സമാധാനത്തിനും സ്ഥിരതക്കുമുണ്ടാക്കുന്ന ആഘാതം കനത്തതായിരിക്കുമെന്നും അദ്ദേഹം അഭിപ്രായപ്പെട്ടു.

ഇന്ത്യയുടെ ഭാഗത്തുനിന്ന്​ നിരന്തരമുണ്ടാവുന്ന പ്രകോപനങ്ങൾ ഐക്യരാഷ്​ട്രസഭയുടെ ശ്രദ്ധയിൽപെടുത്തിയിട്ടുണ്ടെന്നും അന്താരാഷ്​ട്ര സമൂഹം ഇന്ത്യക്കെതിരെ നടപടിയെടുക്കണമെന്നാണ്​ തങ്ങളുടെ ആവശ്യമെന്നും ​ഖുറൈശി തുടർന്നു. ​ഫെബ്രു​വരി 26ന്​ പാകിസ്​താ​​െൻറ പ്രദേശത്ത്​ കടന്നുകയറി ഇന്ത്യ ആക്രമണം നടത്തിയപ്പോൾ ലോകരാജ്യങ്ങൾ നിശ്ശബ്​ദത പാലിച്ചതായി ഖുറൈശി കുറ്റപ്പെടുത്തി.

അതേസമയം, പാക്​ സർക്കാറി​​െൻറ പരാജയം മറച്ചുവെക്കാൻ ഇന്ത്യയുടെ ഭാഗത്തുനിന്ന്​ ഭീഷണിയുണ്ടെന്ന്​ പ്രചാരണം നടത്തുകയാണെന്ന്​ പ്രതിപക്ഷമായ പാകിസ്​താൻ പീപ്​ൾസ്​ പാർട്ടി നേതാവ്​ നഫീസ ഷാ കുറ്റപ്പെടുത്തി.

പാക്​ മന്ത്രിയുടെ പ്രസ്​താവനയെ ശക്​തമായ ഭാഷയിൽ തള്ളിയ ഇന്ത്യൻ വിദേശകാര്യ മന്ത്രാലയം ​പാക്​ വാദം നിരുത്തരവാദവും അസംബന്ധവുമാണെന്ന്​ വ്യക്​തമാക്കി. മേഖലയിൽ യുദ്ധഭ്രാന്ത്​ സൃഷ്​ടിക്കാനാണ്​ പാകിസ്​താൻ ലക്ഷ്യമിടുന്നതെന്ന്​ വിദേശകാര്യ മന്ത്രാലയ വക്​താവ്​ രവീഷ്​ കുമാർ പറഞ്ഞു​. പാക്​ മണ്ണിലെ ഭീകരർക്ക്​ ഇന്ത്യയിൽ ആക്രമണം നടത്താനുള്ള ആഹ്വാനംകൂടിയാണ്​ പാക്​ മന്ത്രിയുടെ പ്രസ്​താവനയെന്നും അദ്ദേഹം തുടർന്നു.