എവറസ്​റ്റിൽ നിന്ന്​ 10,000കി.ഗ്രാം ​മാലിന്യം ശേഖരിച്ചു

കാഠ്​മണ്ഡു: എവറസ്​റ്റ്​ കൊടുമുടിയിൽ നിന്ന്​ ശേഖരിച്ചത്​ 10,000കി.ഗ്രാമിലേറെ ഖരമാലിന്യം. ഏപ്രിൽ 14മുതലാണ്​ മാലിന ്യക്കൂമ്പാരമായ എവറസ്​റ്റ്​ ശുചീകരിക്കാൻ നടപടി തുടങ്ങിയത്​. നേപ്പാളിലെ സൊലുകുംബു ജില്ലാ നഗരവികസന കാര്യ മന്ത്രാലയമാണ്​ 45 ദിവസത്തെ ശുചീകരണ പരിപാടികൾക്ക്​ നേതൃത്വം നൽകിയത്​.

പർവതാരോഹകർ ഉപേക്ഷിച്ചു പോകുന്ന മാലിന്യക്കൂമ്പാരത്തിൽ നിന്ന്​ നാലു മൃതദേഹങ്ങളും കണ്ടെത്തി.തിങ്കളാഴ്​ച ശുചീകരണപ്രവൃത്തികൾ അവസാനിക്കുകയും ചെയ്​തു. എവറസ്​റ്റ്​ ബേസ്​ ക്യാമ്പിൽ നിന്ന്​ 6000കി.ഗ്രാം മാലിന്യം ശേഖരിച്ചു.