കിമ്മി​െൻറ ആരോഗ്യനില മോശം; മിസൈൽ പരീക്ഷണങ്ങൾ നടത്താതെ ഉത്തരകൊറിയ

പ്യോങ്​യാങ്​: കിം ജോങ്​ ഉന്നി​​െൻറ ആരോഗ്യനില മോശമായത്​ കൊണ്ടാണ്​ രണ്ട്​ മാസമായി ഉത്തരകൊറിയ മിസൈൽ പരീക്ഷണങ്ങൾ നടത്താത്തതെന്ന്​​ ​റിപ്പോർട്ട്​. ന്യൂസ്​.കോമാണ്​ ഇതുസംബന്ധിച്ച വാർത്ത റിപ്പോർട്ട്​ ചെയ്​തത്​.  സ്വകാര്യ അന്വേഷണ എജൻസികളെ ഉദ്ധരിച്ചാണ്​ വാർത്ത​.

ഹൃദ്രോഗവും പ്രമേഹവും രക്​ത സമർദ്ദവും ഉത്തരകൊറിയൻ എകാധിപതിയെ അലട്ടുന്നുവെന്നാണ്​ വാർത്തകൾ. വധഭീഷണി നില നിൽക്കുന്ന സാഹചര്യത്തിൽ അദ്ദേഹം കടുത്ത മാനസിക സമ്മർദ്ദത്തിനടിപ്പെട്ടതായി ദക്ഷിണകൊറിയൻ ചാരൻമാരും അവകാശപ്പെട്ടിരുന്നു. ഇതിന്​ പിന്നാലെയാണ്​ ഇതുസംബന്ധിച്ച കൂടുതൽ വാർത്തകൾ പുറത്ത്​ വന്നിരിക്കുന്നത്​.

2011ൽ പിതാവി​​െൻറ മരണത്തോടെയാണ്​ ഉത്തരകൊറിയയുടെ നേതൃത്വം കിം ഏറ്റെടുക്കുന്നത്​. കഴിഞ്ഞ വർഷം ആദ്യ ഭൂഖണ്ഡാന്തര മിസൈൽ ഉത്തരകൊറിയ വിജയകരമായി പരീക്ഷിച്ചിരുന്നു. ഇതേ തുടർന്ന്​ അമേരിക്കയും ഉത്തരകൊറിയയും തമ്മിൽ രൂക്ഷമായ ​വാക്​പോര്​ നടന്നിരുന്നു.