വിലക്ക്​ ലംഘിച്ച്​ വീണ്ടും ഉത്തരകൊറിയയുടെ മിസൈൽ പരീക്ഷണം

സിയോൾ: വിലക്കുകൾ ലംഘിച്ച്​ ഉത്തരകൊറിയ വീണ്ടും മിസൈൽ പരീക്ഷിച്ചു. ഉത്തരകൊറിയ നാല്​ ബാലിസ്​റ്റിക്​ മിസൈലുകൾ  പരീക്ഷിച്ചതായി ജപ്പാൻ  പ്രധാനമന്ത്രി ഷിൻസോ ആബെ പറഞ്ഞു. 

ഉത്തര കൊറിയ തൊടുത്തുവിട്ട നാലു മിസൈലുകൾ 1000 കി​​ലോ​​മീ​​റ്റ​​ർ താ​​ണ്ടി ജപ്പാൻ കടലിൽ പ​​തിച്ചു. പ്രദേശിക സമയം തിങ്കളാഴ്ച രാവിലെ 07:36ന് ചൈനയുമായി അതിർത്തി പങ്കിടുന്ന തോംചാംഗ്റി മേഖലയിൽ നിന്നായിരുന്നു വിക്ഷേപണമെന്ന് ദക്ഷിണ കൊറിയൻ സൈന്യം അറിയിച്ചു.

കഴിഞ്ഞ മാസവും ഉത്തരകൊറിയ ഇത്തരത്തിൽ ബാലിസ്​റ്റിക്​ മിസൈൽ പരീക്ഷിച്ചിരുന്നു. ഇതിനെതിരെ യു.എന്നും അമേരിക്ക ഉൾപ്പടെയുള്ള രാജ്യങ്ങളും രംഗത്തെത്തിയിരുന്നു.