ഭൂഖണ്ഡാന്തര ബാലിസ്​റ്റിക്​ മിസൈൽ പരീക്ഷണം അവസാനഘട്ടത്തിലെന്ന്​ ഉത്തരകൊറിയ

സോൾ​: ഭൂഖണ്ഡാന്തര ബാലിസ്​റ്റിക്​ മിസൈൽ പരീക്ഷണം അവസാനഘട്ടത്തിലാണെന്ന്​ ഉത്തരകൊറിയ. കൊറിയൻ  പ്രസിഡൻറ്​ കിം ജോങ്​ ഉന്നാണ്​ ഇക്കാര്യം അറിയിച്ചത്​. ഞായറാഴ്​ച  ഉത്തരകൊറിയൻ ദേശീയ ചാനലിലൂടെ പുതുവൽസര സന്ദേശം നൽകിന്നതിനിടയിലാണ്​ ​ ഉൻ ഇക്കാര്യം പ്രഖ്യാപിച്ചത്​.

ലോകത്തിലെ ശക്​തമായ ഒരു സൈന്യത്തിനും ഇനി ഉത്തരകൊറിയയെ ആക്രമിക്കാൻ സാധിക്കില്ല. 2017ൽ ഉത്തരകൊറിയ വൻ ആണവശക്​തിയായി ഉയരുമെന്നും അദ്ദേഹം പറഞ്ഞു.  

2016ൽ ഉത്തരകൊറിയ ആണവ  പരീക്ഷണം നടത്തിയിരുന്നു. ഉത്തരകൊറിയ കഴിഞ്ഞ വർഷം രണ്ട്​  ആണവ പരീക്ഷണങ്ങൾ നടത്തുകയും നിരവധി മിസൈലുകൾ പരീക്ഷിക്കുകയും ചെയ്​തിരുന്നു. ഇതിനെ തുടർന്ന്​ അമേരിക്ക അടക്കമുള്ള പല രാജ്യങ്ങൾ ഉത്തരകൊറിയക്കുമേൽ ഉപരോധം ഏർപ്പെടുത്തിയിരുന്നു.