ഉത്തര കൊറിയ വീണ്ടും ബാലിസ്​റ്റിക്​ മിസൈൽ പരീക്ഷിച്ചു

സിയോൾ: അന്താരാഷ്​ട്ര ഭീഷണികൾക്ക്​ വഴങ്ങില്ലെന്ന സൂചന നൽകി ഉത്തരകൊറിയ വീണ്ടും ബാലിസ്​റ്റിക്​ മിസൈൽ പരീക്ഷിച്ചു. ഞായറാഴ്​ച പുലർച്ചെ കുസോങ്ങിൽ നിന്നാണ്​ ​െകാറിയ മിസൈൽ പരീക്ഷണം നടത്തിയത്​. എകദേശം 700 കിലോ മീറ്റർ  പ്രഹരശേഷിയുള്ള മിസൈലാണ്​ പരീക്ഷിച്ചത്​.

മിസൈൽ പരീക്ഷണത്തെ ദക്ഷിണകൊറിയയും ജപ്പാനും അപലപിച്ചു. രാജ്യത്തിന്​ സമീപത്തെ  കടലിൽ പതിക്കുന്നതിന്​ മുമ്പ്​ മുപ്പത്​ മിനിട്ട്​​ മിസൈൽ സഞ്ചരിച്ചതായും ജപ്പാൻ അറിയിച്ചു​. കഴിഞ്ഞ മാസം ഉത്തര കൊറിയ നടത്തിയ രണ്ട്​ മിസൈൽ പരീക്ഷണങ്ങൾ പരാജയപ്പെട്ടിരുന്നു.

രാജ്യാന്തര രാഷ്​ട്രീയത്തിൽ നിർണായക ചലനങ്ങൾക്ക്​ വഴിവെക്കുന്നതാണ്​ കൊറിയയുടെ പുതിയ മിസൈൽ പരീക്ഷണം. ഉത്തര കൊറിയ പരീക്ഷണങ്ങളുമായി മുന്നോട്ട്​ പോയാൽ ഗുരതരമായ പ്രത്യാഘാതം ഉണ്ടാവുമെന്ന് നേരത്തെ​ അമേരിക്ക മുന്നറിയിപ്പ്​ നൽകിയിരുന്നു. ഇതു​ വകവെക്കാതെയാണ്​ കൊറിയയുടെ നടപടി.

1962ലെ ക്യൂബൻ മിസൈൽ പ്രതിസന്ധിയോടാണ്​ പുതിയ സാഹചര്യങ്ങളെ രാഷ്​ട്രീയ നിരീക്ഷകർ ഉപമിക്കുന്നത്​.