മൈക്ക്​ പെൻസിനെതിരെ രൂക്ഷ വിമർശനവുമായി ഉത്തരകൊറിയ

പ്യോങ്​യാങ്​: യു.എസ്​ വൈസ്​ പ്രസിഡൻറ്​ മൈക്ക്​ പെൻസിനെതിരെ രൂക്ഷ വിമർശനവുമായി ഉത്തരകൊറിയ. കൊറിയൻ വാർത്ത ഏജൻസിയായ കെ.സി.എൻ.എ വഴി വിദേശകാര്യ ഉപമന്ത്രി ചോ സോധൻ ഹോവാണ്​ മൈക്ക്​ പെൻസിനെ രൂക്ഷമായി വിമർശിച്ചത്​​. കിം ജോങ്​ ഉൻ- ഡോണൾഡ്​ ട്രംപ്​ കൂടികാഴ്​ച സംബന്ധിച്ച്​ അനിശ്​ചിതത്വം നില നിൽക്കുന്ന സാഹചര്യത്തിലാണ്​ പെൻസിനെ വിമർശിച്ച്​ കൊറിയൻ പ്രതിനിധി രംഗത്തെത്തുന്നത്​.

മൈക്ക്​ പെൻസി​​​​െൻറ ഭാഗത്ത്​ നിന്ന്​ നിരുത്തരവാദപരമായ പ്രസ്​താവനയാണ്​ ഉണ്ടായതെന്ന്​ ഉത്തരകൊറിയ കുറ്റപ്പെടുത്തി. ഇത്തരം പ്രസ്​താവനകൾ തുടർന്നാൽ ട്രംപുമായുള്ള കൂടികാഴ്​ചയിൽ പുനരാലോചന വേണ്ടി വരുമെന്നും ഉത്തരകൊറിയ മുന്നറിയപ്പ്​ നൽകി. അമേരിക്കയുടെ കൊറിയയോടുള്ള പെരുമാറ്റം അനുസരിച്ചാവും ആണവപരീക്ഷണങ്ങൾ നിർത്തിവെക്കുന്നതിൽ അന്തിമ തീരുമാനം എടുക്കുകയെന്നും വിദേശകാര്യ ഉപമന്ത്രി വ്യക്​തമാക്കി.

അമേരിക്കയുമായി ചർച്ചക്ക്​ തയാറായില്ലെങ്കിൽ ഉത്തരകൊറിയക്ക്​ ലിബിയയുടെ ഗതിവരുമെന്നായിരുന്നു മൈക്ക്​ പെൻസി​​​​െൻറ വിവാദ പ്രസ്​താവന. ടെലിവിഷൻ ചാനലിന്​ നൽകിയ അഭിമുഖത്തിലാണ്​ പെൻസ്​ ഇത്തരം പ്രസ്​താവന നടത്തിയത്​.