Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightപുതിയ ആയുധം ഉടനെന്ന്​...

പുതിയ ആയുധം ഉടനെന്ന്​ കിം ജോങ് ഉന്‍

text_fields
bookmark_border
പുതിയ ആയുധം ഉടനെന്ന്​ കിം ജോങ് ഉന്‍
cancel

സോള്‍: തന്ത്രപ്രധാനമായ പുതിയ ആയുധം ഉടൻ ലോകത്തിനു മുന്നിൽ അവതരിപ്പിക്കുമെന്ന്​ ഉത്തര കൊറിയന്‍ ഭരണാധികാരി കിം ജോങ് ഉന്‍. യു.എസ്​^ഉ. കൊറിയ ചർച്ചകളുടെ പശ്ചാത്തലത്തിൽ നിർത്തിവെച്ച ആണവായുധ പരീക്ഷണങ്ങളും ഭൂഖണ്ഡാന്തര മി​ൈസൽ പരീക്ഷണങ്ങളും തുടരു​മെന്ന്​ അദ്ദേഹം അറിയിച്ചു. ആണവ നിരായുധീകരണം സംബന്ധിച്ച്​ അമേരിക്കയുമായുള്ള ചർച്ചകൾ നിലച്ചതിലുള്ള അമർഷവും പ്രഖ്യാപനത്തിനു​ പിന്നിലുണ്ട്​.

ചർച്ച തുടരാനുള്ള ഉത്തര കൊറിയയുടെ ആഹ്വാനം അമേരിക്ക പരിഗണിക്കാത്തതിനെ തുടർന്ന്​ കഴിഞ്ഞ ശനിയാഴ്​ച മുതൽ കിം ഭരണകക്ഷിയായ വര്‍ക്കേഴ്‌സ് പാര്‍ട്ടിയുടെ നയ രൂപവത്​കരണ സമിതിയുടെ നാലു ദിവസത്തെ യോഗം ​േപ്യാങ്​യാങ്ങിൽ വിളിച്ചിരുന്നു. ഇതിനുശേഷമാണ്​ പുതിയ പ്രഖ്യാപനം. നയരൂപവത്​കരണ സമിതി യോഗം ചേരുക അപൂർവമായാണ്. ഉ. കൊറിയന്‍ വാര്‍ത്ത ഏജന്‍സി കെ.സി.എന്‍.എയാണ് ഇക്കാര്യം റിപ്പോര്‍ട്ട് ചെയ്തത്. ഉപരോധം പിൻവലിക്കാത്തതും യു.എസ്​-ദ. കൊറിയ സൈനികാഭ്യാസവുമെല്ലാം പുതിയ തീരുമാനത്തിന്​ ഹേതുവായിട്ടുണ്ട്​.

അതേസമയം, പുതിയ ആണവ പരീക്ഷണം സംബന്ധിച്ച്​ കിം വ്യക്തമായ വിവരം നൽകാത്തത്​ ചർച്ചക്കുള്ള വാതിൽ ഇപ്പോഴും തുറന്നിട്ടിരിക്കുകയാണെന്ന സന്ദേശമാണ്​. 40 മുതൽ 50 വരെ ആണവായുധങ്ങൾ ഉത്തര കൊറിയയു​െട കൈവശമുണ്ടെന്നാണ്​ കണക്കാക്കപ്പെടുന്നത്​. മിസൈൽവേധ സംവിധാനത്തെ തകർക്കാൻ ശേഷിയുള്ളതും അമേരിക്കയിൽ എത്താൻ ശേഷിയുള്ളതുമായ മിസൈലുകളും ഈ ശ്രേണിയിലുൾപ്പെടും. പുതിയ ആയുധത്തെക്കുറിച്ച വെളിപ്പെടുത്തൽ ഭീഷണപ്പെടുത്താനുദ്ദേശിച്ചുള്ളതാണെന്നും നയതന്ത്രപരമായി ഇത്​ സഹായിക്കില്ലെന്നും ദക്ഷിണ കൊറിയൻ ഏകീകരണ മന്ത്രാലയം വക്താവ്​ ലീ സാങ്​ മിൻ പറഞ്ഞു.

അതേസമയം, ആണവ നിരായുധീകരണം സംബന്ധിച്ച ത​​െൻറ വാക്കിൽ കിം ഉറച്ചുനിൽക്കുമെന്ന്​ പ്രതീക്ഷിക്കുന്നതായി യു.എസ്​ പ്രസിഡൻറ്​ ഡോണൾഡ്​ ട്രംപ്​ പ്രത്യാശ പ്രകടിപ്പിച്ചു. സിംഗപ്പൂരിൽവെച്ച്​ ആണവ നിരായുധീകരണ കരാറിൽ ഞങ്ങൾ ഒപ്പുവെച്ചിട്ടുണ്ട്​. ത​​െൻറ വാക്കുപാലിക്കുന്നയാളാണ്​ കിം എന്ന്​ പ്രതീക്ഷിക്കുന്നതായും ട്രംപ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:south koreakim jong unworld newsmalayalam news
News Summary - new weapon soon said Kim jong un -world news
Next Story