‘‘ജീവൻ തിരിച്ചു തന്നവർക്ക്​ നന്ദി’’ - ആശുപത്രിയിൽ നിന്ന്​ തായ്​ കുട്ടികളുടെ പുതിയ വിഡിയോ 

ബാ​​േങ്കാക്ക്​ : രണ്ടാഴ്​ചയിലേറെ തായ്​ലാൻറിലെ താം ​േലാങ്​ ഗുഹയിൽ അകപ്പെട്ടുപോയ  12 തായ്​കുട്ടികളും ഫുട്​ബോൾ കോച്ചും പുറത്തെത്തിയ ശേഷം സംസാരിക്കുന്ന ആദ്യ വിഡിയോ  അധികൃതർ പുറത്തു വിട്ടു. ആശുപത്രിയിൽ തീവ്രപരിചരണത്തിലിരിക്കുന്ന കുട്ടികൾ ആരോഗ്യവാൻമാരാണെന്ന്​ പറയുന്ന വിഡിയോ ആണ്​ പുറത്തു വിട്ടത്​. 

തങ്ങൾ ആരോഗ്യവാൻമാരാണ്​. ജീവിതത്തിലേക്ക്​ തിരിച്ചുകൊണ്ടുവന്നവർക്ക്​ നന്ദി എന്നും വിദ്യാർഥികൾ പറയുന്നു. ഒാരോരുത്തരും പേര്​ പറഞ്ഞ്​ പരിചയപ്പെടുത്തിക്കൊണ്ടാണ്​ സംസാരിക്കുന്നത്​. 

ഗുഹയിൽ നിന്ന്​ പുറത്തെത്തിച്ച കുട്ടികളെ മാതാപിതാക്കൾക്കൊപ്പം വിടാതെ ആശുപത്രിയിൽ പ്രവേശിപ്പിച്ചിരിക്കുകയാണ്​. ആവശ്യത്തിന്​​ ഭക്ഷണവും വെള്ളവും വെളിച്ചവും ലഭിക്കാതെ ദിവസങ്ങളോളം കഴിയേണ്ടി വന്നതിനാൽ കുട്ടികൾ അവശരാണെന്നും ചിലർക്ക്​ അണുബാധയുണ്ടെന്നും അധികൃതർ പറഞ്ഞിരുന്നു. കുട്ടികളെ ആശ​ുപത്രിയിൽ പ്രവേശിപ്പിച്ച ശേഷം മാതാപിതാക്കളെ പുറത്തു നിന്ന്​ കാണാൻ മാത്രമാണ്​ അനുവദിച്ചിരുന്നത്. പിന്നീട്​ കുട്ടികൾ ആശുപത്രിക്കിടക്കയിൽ നിന്ന്​ വിജയ ചിഹ്​നം ഉയർത്തിക്കാണിക്കുന്ന വിഡിയോയും പുറത്തു വിട്ടിരുന്നു. ആശുപത്രിവാസം ഒരാഴ്​ചയോട്​ അടുത്തപ്പോഴാണ്​ കുട്ടികൾ സംസാരിക്കുന്ന വിഡിയോ അധികൃതർ പുറത്തു വിട്ടത്​.