മരുന്നയച്ചതിന്​ മോദിക്ക്​ നന്ദി പറഞ്ഞ്​ ഇസ്രയേൽ പ്രധാനമന്ത്രി

ജറൂസലം: കോവിഡ്​ പ്രതിരോധത്തിന്​ ഉപയോഗിക്കാവുന്ന മരുന്നുകൾ അയച്ചതിന്​ ഇസ്രയേൽ പ്രധാനമന്ത്രി ബെഞ്ചമിൻ നെ തന്യാഹു ഇന്ത്യൻ പ്രധാനമന്ത്രി നരേന്ദ്രമോദിക്ക്​ നന്ദി പറഞ്ഞു. ഇസ്രായേലിലെ മുഴുവൻ പൗരൻമാരും ഇതിന്​ നന്ദി പറയ ുന്നുവെന്നും അദ്ദേഹം ട്വിറ്ററിൽ കുറിച്ചു.

ചൊവ്വാഴ്​ചയാണ്​ ഇന്ത്യയിൽ നിന്നുള്ള അഞ്ച്​ ടൺ മരുന്നുകൾ ഇസ്രാ യേലിലെത്തിയത്​. മരുന്ന്​ നിർമാണത്തിനുള്ള അസംസ്​കൃത വസ്​തുക്കളും കോവിഡ്​ ചികിത്സക്ക്​ ഉപയോഗിക്കാമെന്ന്​ കരുതുന്ന ഹൈഡ്രോക്​സി​േക്ലാറോക്വിനും അതിലുണ്ടായിരുന്നു. മരുന്നുകൾ ഇസ്രായേലിലെത്തി രണ്ട്​ ദിവസത്തിന്​ ശേഷമാണ്​ പ്രധാനമന്ത്രിയുടെ പ്രതികരണമെത്തിയത്​. പ്രിയ സുഹൃത്ത്​ ഇന്ത്യൻ പ്രധാനമന്ത്രി നരേന്ദ്രമോദിക്ക്​ നന്ദി എന്നാണ്​ അദ്ദേഹം ട്വീറ്റ്​ ചെയ്​തത്​.

ലോകത്ത്​ ഏറ്റവും അധികം ഹൈഡ്രോക്​സി​േക്ലാറോക്വിൻ ഉൽ​പാദിപ്പിക്കുന്ന രാജ്യമാണ്​ ഇന്ത്യ. മുപ്പതിലേറെ രാജ്യങ്ങൾ ഇന്ത്യയിൽ നിന്നുള്ള മരുന്ന്​ ആവശ്യ​പ്പെടുന്നുണ്ട്​. എന്നാൽ, കോവിഡ്​ വ്യാപന ഭീതിയിൽ ഇന്ത്യ മരുന്നുകളുടെ കയറ്റുമതിക്ക്​ നിയന്ത്രണം ഏർപ്പെടുത്തിയിരുന്നു. ആഭ്യന്തര ആവശ്യങ്ങൾക്ക്​ മരുന്ന്​ കിട്ടാതിരിക്കുമോ എന്ന ആശങ്കയായിരുന്നു കാരണം. നിയന്ത്രണങ്ങളിൽ അയവ്​ വരുത്തിയില്ലെങ്കിൽ ഇന്ത്യ തിരിച്ചടി നേരിടുമെന്ന അമേരിക്കൻ പ്രസിഡൻറ്​ ട്രംപി​​െൻറ ഭീഷണിക്ക്​ പിറകെയാണ്​ ഇന്ത്യ കയറ്റുമതിക്ക്​ തയാറായത്​.

പിറകെ, 2.9 കോടി ഡോസ്​ ഹൈാഡ്രോക്​സി​േക്ലാറോക്വിൻ ഇന്ത്യയിൽ നിന്ന്​ ലഭിച്ചുവെന്ന്​ ട്രംപ്​ തന്നെ മാധ്യമങ്ങളെ അറിയിച്ചു. മോദി മഹാനാണെന്നും അമേരിക്ക ഇതൊരിക്കലും മറക്കില്ലെന്നും അദ്ദേഹം പറഞ്ഞിരുന്നു. അമേരിക്കൻ പ്രസിഡൻറി​​െൻറ പ്രതികരണത്തിന്​ ശേഷമാണ്​ ഇപ്പോൾ ഇ​സ്രാ​യേൽ പ്രധാനമന്ത്രിയുടെ പ്രതികരണമെത്തുന്നത്​. ഇസ്രയേിൽ 10,000 ഒാളം ആളുകൾക്കാണ്​ ഇതുവരെ കോവിഡ്​ സ്​ഥിരീകരിച്ചിട്ടുള്ളത്​.

മാർച്ച്​ 13 ന്​ തന്നെ ഇന്ത്യയോട്​ ഇസ്ര​യേൽ മരുന്ന്​ ആവശ്യപ്പെട്ടിരുന്നു. ഏപ്രിൽ 3 ന്​ ഇരു പ്രധാനമന്ത്രിമാരും കോവിഡ്​ പ്രതിരോധം സംബന്ധിച്ച്​ ടെലിഫോൺ ചർച്ചയും നടത്തിയിരുന്നു.