Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightപുതുക്കിയ ഭൂപടം...

പുതുക്കിയ ഭൂപടം യു.എന്നിനും ലോകസമൂഹത്തിനും അയച്ചുകൊടുക്കുമെന്ന്​ നേപ്പാൾ മന്ത്രി

text_fields
bookmark_border
പുതുക്കിയ ഭൂപടം യു.എന്നിനും ലോകസമൂഹത്തിനും അയച്ചുകൊടുക്കുമെന്ന്​ നേപ്പാൾ മന്ത്രി
cancel

കാഠ്​മണ്ഡു: ഇന്ത്യൻ ഭൂപ്രദേശങ്ങൾ കൂട്ടിച്ചേർത്ത്​ പുതുക്കിയ നേപ്പാൾ ഭൂപടം ഇന്ത്യ ഉൾപ്പെടെയുള്ള ലോക സമൂഹത്തിനും ഐക്യ രാഷ്​ട്രസഭക്കും അയച്ചുകൊടുക്കുമെന്ന്​ നേപ്പാൾ മന്ത്രി പദ്​മ ആര്യാൽ. ആഗസ്​റ്റ്​ മധ്യ​ത്തോടെ ഈ പ്രക്രിയ പൂർണമാവുമെന്നും പദ്​മ ആര്യാൽ പറഞ്ഞു.

''കാലാപാനി, ലിപുലേഖ്​, ലിംപിയാദുര, എന്നിവ ചേർത്തുള്ള പുതുക്കിയ ഭൂപടം വിവിധ ഐക്യ രാഷ്​ട്രസഭ ഏജൻസികൾക്കും ഇന്ത്യ ഉൾപ്പെടെയുള്ള അന്താരാഷ്​ട്ര സമൂഹത്തിനും ഞങ്ങൾ അയച്ചുകൊടുക്കും. ഈ മാസം പകുതിയോടെ ഈ പ്രക്രിയ പൂർണമാവും.'' -ഭൂ പരിപാലന-സഹകരണ​- ദാരിദ്ര്യ നിർമാർജ്ജന വകുപ്പ്​ മന്ത്രി പദ്​മ ആര്യാൽ പറഞ്ഞു.

ഇംഗ്ലീഷ്​ ഭാഷയിൽ തയാറാക്കിയ പുതുക്കിയ നേപ്പാൾ ഭൂപടത്തി​െൻറ 4000 പകർപ്പുക​ൾ അന്താരാഷ്​ട്ര സമൂഹത്തിന്​ അയച്ചുകൊടുക്കുവാൻ മന്ത്രാലയം ബന്ധ​െപ്പട്ട വകുപ്പുകൾക്ക്​ നിർദേശം നൽകിയിട്ടുണ്ട്​.

കൂടാതെ ഭൂപടത്തി​െൻറ 25,000ത്തോളം പകർപ്പുകൾ രാജ്യമെമ്പാടും വിതരണം ചെയ്​തിട്ടുണ്ട്​. വിവിധ പ്രവിശ്യകളിലും സർക്കാർ ഓഫീസുകളിലും ഇത്​ സൗജന്യ നിരക്കിൽ നൽകും​. പൊതുജനങ്ങൾക്ക്​ 50 നേപ്പാളി രൂപക്ക്​ ഭൂപടങ്ങൾ വാങ്ങുവാൻ സാധിക്കും.

മെയ്​ 20നാണ്​ നേപ്പാൾ സർക്കാർ ഇന്ത്യൻ പ്രദേശങ്ങളായ കാലാപാനി, ലിപുലേഖ്​, ലിംപിയാദുര, എന്നിവ ചേർത്ത്​ ഭൂപടം പുതുക്കി പ്രസിദ്ധീകരിച്ചത്​.

അതേസമയം, നേപ്പാളി​െൻറ ഏകപക്ഷീയമായ നീക്കം ചരിത്ര വസ്​തുതകളെയും തെളിവുക​ളെയും അടിസ്ഥാനമാക്കിയല്ലെന്ന്​ ഇന്ത്യ പ്രതികരിച്ചു. നേപ്പാളി​െൻറ ഈ നീക്കം അതിർത്തി തർക്കം പരിഹരിക്കുന്നതിനുള്ള ഉഭയകക്ഷി പ്രവർത്തനങ്ങൾക്കും നയതന്ത്ര ചർച്ചകൾക്കും കടകവിരുദ്ധമാണ്​. ഇത്തരം കൃത്രിമമായ ഭൂവിസ്​തൃതി വർദ്ധിപ്പിക്കൽ അവകാശവാദം അംഗീകരിക്കില്ലെന്നും ഇന്ത്യ വ്യക്തമാക്കിയിരുന്നു.

Show Full Article
TAGS:nepal nepal map world news malayalam news 
Next Story