കാഠ്മണ്ഡുവിൽ വിമാനം തകർന്നത് സിഗ്നലിലെ ആശയക്കുഴപ്പം മൂലം

കാ​ഠ്​​മ​ണ്ഡു: കാഠ്മണ്ഡു എയർപോർട്ടിൽ വിമാനം തകർന്ന് 47 പേർ മരിക്കാനിടയായ അപകടം സംഭവിച്ചത് പൈലറ്റും കൺട്രോൾ റൂമും തമ്മിൽ ആശയവിനിമയത്തിലുണ്ടായ തകരാറ് മൂലമാണെന്ന് പ്രാഥമിക നിഗമനം. വി​മാ​നം ഇ​റ​​ങ്ങു​ന്ന ദി​ശ സം​ബ​ന്ധി​ച്ച്​ എ​യ​ർ ട്രാ​ഫി​ക്​ ക​ൺ​ട്രോ​ൾ വി​ഭാ​ഗം പൈ​ല​റ്റു​മാ​യി സം​സാ​രി​ച്ച​പ്പോ​ൾ, വ​ട​ക്കു​ഭാ​ഗ​ത്തു​നി​ന്നാ​ണ്​ ​റ​ൺ​വെ​യി​ലേ​ക്ക്​ വ​രു​ന്ന​തെ​ന്നാ​ണ്​ അ​റി​യി​ച്ചി​രു​ന്ന​ത്. ഇതിന് കൺട്രോൾ റൂം അനുമതി നൽകി. പി​ന്നീ​ട്​ വി​മാ​നം വ​ട​ക്ക്​-​കി​ഴ​ക്കു ഭാ​ഗത്ത് നിന്നുമാണ് ലാൻഡ് ചെയ്യുന്നതെന്നറിയിച്ചു. കൺട്രോൾ റൂമിൽ നിന്നും ഇതിനും അനുമതി നൽകുകയായിരുന്നു. 

മാത്രമല്ല, നേപ്പാളി പൈലറ്റും ടവറും തമ്മിൽ ലാൻഡിങ്ങിന് തൊട്ടുമുൻപ് നടന്ന മറ്റൊരു സംഭാഷണത്തിലും ആശയക്കുഴപ്പം ഉള്ളതായി വ്യക്തമാണ്. 'എന്തോ ആശയക്കുഴപ്പമുള്ളതുപോലെ തോന്നുന്നു' എന്ന് വിമാനത്തിൽ നിന്നും ആരോ പറയുന്നതും പുറത്തുവിട്ട സംഭാഷണത്തിൽ കേൾക്കാം. 'ലാൻഡ് ചെയ്യട്ടേ 'എന്ന് പൈലറ്റ് ചോദിക്കുന്നതും പരിഭ്രമത്തോടുകൂടി 'ഞാൻ വീണ്ടും പറയുകയാണ്, തിരിക്ക്' എന്നും കേൾക്കാം. 

എന്നാൽ കൺട്രോൾ ടവറിൽ നിന്നുളള നിർദേശങ്ങൾ പൈലറ്റ് അനുസരിച്ചില്ല എന്ന് കാഠ്മണ്ഡു എയർപോർട്ട് മാനേജർ വ്യക്തമാക്കി.

67 യാത്രക്കാരും നാല് ജീവനക്കാരും അടങ്ങിയ വിമാനം എയർപോർട്ടിൽ വെച്ച് തകർന്നത്. അപകടത്തിൽ 49 പേർ മരിച്ചു. 22 പേർക്ക് പരിക്കേറ്റിട്ടുണ്ട്. സംഭവത്തിൽ അന്വേഷണത്തിന് ഉത്തരവിട്ടിട്ടുണ്ട്.  ‘യു.​എ​സ്​-​ബം​ഗ്ല എ​യ​ർ​ലൈ​ൻ​സ്​’ ക​മ്പ​നി​യു​ടെ ഡാ​ഷ്​ 8 ക്യു 400 ​വി​മാ​ന​മാ​ണ്​ ത​ക​ർ​ന്ന​ത്. തി​ങ്ക​ളാ​​ഴ്​​ച ഉ​ച്ച ക​ഴി​ഞ്ഞ്​ പ്രാ​ദേ​ശി​ക സ​മ​യം 2.20നാ​യിരുന്നു​ അ​പ​ക​ടം.