സംഘർഷം; മ്യാന്മറില്‍ വീണ്ടും റോഹീങ്ക്യകളുടെ പലായനം 

നാ​യ്​​പി​ഡാ​വ്​: വിമത പോരാളികളും സുരക്ഷാ സേനയും തമ്മിൽ ഏറ്റുമുട്ടൽ രൂക്ഷമാകുന്നതിനിടെ മ്യാന്‍മറില്‍ നിന്ന് റോഹിങ്ക്യന്‍ മുസ് ലിംകളുടെ കൂട്ട പലായനം. അയല്‍ രാജ്യമായ ബംഗ്ലാദേശിലേക്കാണ് റോഹിങ്ക്യകൾ പലായനം ചെയ്യുന്നത്. അതിനിടെ പാലായനം ചെയ്യുന്നവർക്ക് നേരെയും സൈന്യം വെടിയുതിർത്തു. ഇവർ അതിർത്തി കടക്കുമ്പോഴാണ് മോർട്ടാർ ഷെല്ലുകൾ ഉപയോഗിച്ചാണ് സൈന്യം റൊഹീങ്ക്യകളെ ആക്രമിച്ചത്. വെടിവെപ്പിൽ ആർക്കെങ്കിലും പരിക്കേറ്റിട്ടുണ്ടോ എന്ന് വ്യക്തമല്ല. 

സുരക്ഷാ ഉദ്യോഗസ്ഥര്‍ക്കെതിരെ പ്രത്യക്ഷ പോരാട്ടം നടത്താന്‍ വിമത പോരാളികള്‍ തീരുമാനിച്ചതോടെയാണ് മ്യാൻമാറിൽ സ്ഥിതി വഷളായത്. സംഘര്‍ഷത്തില്‍ 70 പേര്‍ കൊല്ലപ്പെട്ടതായാണ് വിവരം. ഇതില്‍ 12 പേര്‍ സുരക്ഷ ഉദ്യോഗസ്ഥരാണ്. അരാക്കന്‍ റോഹിങ്ക്യ സാല്‍വേഷന്‍ ആര്‍മി എന്ന സംഘടനയാണ് ആക്രമണം നടത്തുന്നത്. ഈ സംഘടനയെ മ്യാന്‍മര്‍ സര്‍ക്കാര്‍ നിരോധിച്ചിട്ടുണ്ട്. സംഘര്‍ഷത്തെത്തുടര്‍ന്ന് പതിനായിരങ്ങളാണ് മ്യാന്‍മറില്‍ നിന്ന് ബംഗ്ലാദേശിലേക്ക് പലായനം ചെയ്യുന്നത്. പലായനം ചെയ്യുന്ന സിവിലിയന്മാര്‍ക്ക് നേരെ മ്യാന്‍മര്‍ പട്ടാളം വെടിയുതിര്‍ത്തുവെന്നും റിപ്പോര്‍ട്ടുകളുണ്ട്.

അഭയാര്‍ഥികളെ സ്വീകരിക്കാന്‍ തയ്യാറല്ലെന്ന നിലപാടിലാണ് ബംഗ്ലാദേശ്. അതിര്‍ത്തിയില്‍ കര്‍ശന സുരക്ഷാ ക്രമീകരണങ്ങള്‍ ഏര്‍പ്പെടുത്തിയിട്ടുണ്ട്. മ്യാന്‍മറിലെ പടിഞ്ഞാറന്‍ സംസ്ഥാനമായ റഖൈനിലാണ് ഏറ്റവുമധികം സംഘര്‍ഷം നടക്കുന്നത്.

റോ​ഹി​ങ്ക്യ​ക​ൾ ബം​ഗാ​ളി​ൽ​നി​ന്ന്​ അ​ന​ധി​കൃ​ത​മാ​യി കു​ടി​യേ​റി​യ​വ​രാ​ണെ​ന്നാ​ണ്​ രാ​ജ്യ​ത്തെ വം​ശീ​യ​വാ​ദി​ക​ളു​ടെ ആ​രോ​പ​ണം. ക​ടു​ത്ത പൗ​രാ​വ​കാ​ശ​ധ്വം​സ​ന​ങ്ങ​ൾ നേ​രി​ടു​ന്ന റോ​ഹി​ങ്ക്യ​ക​ൾ​ക്കെ​തി​രാ​യ നി​യ​ന്ത്ര​ണ​ങ്ങ​ൾ പി​ൻ​വ​ലി​ക്ക​ണ​മെ​ന്ന്​ ക​ഴി​ഞ്ഞ ദി​വ​സം ​െഎ​ക്യ​രാ​ഷ്​​ട്ര​സ​ഭ മു​ൻ ത​ല​വ​ൻ കോ​ഫി അ​ന്നാ​ൻ മ്യാ​ന്മ​റി​നോ​ട്​ ആ​വ​ശ്യ​പ്പെ​ട്ടി​രു​ന്നു.സം​ഘ​ർ​ഷ​ത്തി​ൽ ​െഎ​ക്യ​രാ​ഷ്​​ട്ര​സ​ഭ ആ​ശ​ങ്ക പ്ര​ക​ടി​പ്പി​ച്ചു. എ​ല്ലാ ക​ക്ഷി​ക​ളും അ​ക്ര​മ​ത്തി​​​െൻറ പാ​ത ഉ​പേ​ക്ഷി​ക്ക​ണ​മെ​ന്നും സി​വി​ലി​യ​ന്മാ​രു​ടെ സം​ര​ക്ഷ​ണം ഉ​റ​പ്പാ​ക്കി ക്ര​മ​സ​മാ​ധാ​നം പു​നഃ​സ്ഥാ​പി​ക്ക​ണ​മെ​ന്നും ​െഎ​ക്യ​രാ​ഷ്​​ട്ര​സ​ഭ പ്ര​സ്​​താ​വ​ന​യി​ൽ പ​റ​ഞ്ഞു. 

ക​ഴി​ഞ്ഞ ഒ​ക്​​ടോ​ബ​ർ മു​ത​ലാ​ണ്​ റോ​ഹി​ങ്ക്യ​ക​ൾ​ക്കെ​തി​രാ​യ ആ​ക്ര​മ​ണം ചെ​റി​യ ഇ​ട​വേ​ള​ക്കു​ശേ​ഷം രൂ​ക്ഷ​മാ​യ​ത്. ആ​ക്ര​മ​ണ​ത്തെ​തു​ട​ർ​ന്ന്​ 80,000ല​ധി​കം പേ​ർ ബം​ഗ്ലാ​ദേ​ശി​ലേ​ക്ക്​ പ​ലാ​യ​നം ചെ​യ്​​തു.