ബോംബ്​ ഭീഷണി: സിംഗപൂർ വിമാനം അടിയന്തരമായി​ ഇറക്കി

സിംഗപൂർ: ബോംബ്​ ഭീഷണി ഉയർന്നതിനെ തുടർന്ന്​ മുംബൈയിൽ നിന്ന് സിംഗപൂരിലേക്ക്​​ പറന്നുയർന്ന സിംഗപൂർ എയർ​ൈലൻസ് വിമാനം സിംഗപൂരിലെ ചാൻഗി വിമാനത്താവളത്തിൽ അടിയന്തരമായി ഇറക്കി.

263 യാത്രക്കാരുമായി പ്രാദേശിക സമയം രാത്രി 11.35ന്​ യാത്ര തുടങ്ങിയ എസ്​.ക്യു 423 വിമാനമാണ്​​ ഇന്ത്യൻ സമയം രാവിലെ എട്ട്​ മണിയോടെ ചാൻഗി വിമാനത്താവളത്തിൽ അടിയന്തരമായി ഇറക്കിയത്​. പറന്നുയർന്ന ഉടൻ​ വിമാനത്തിൽ​ ബോംബ്​ വെച്ചിട്ടുണ്ടെന്ന അറിയിപ്പ്​ പൈലറ്റിന്​ ലഭിക്കുകയായിരുന്നു​.

യാത്രക്കാരെ മുഴുവൻ പുറത്തിറക്കി വിമാനം പരിശോധനക്ക്​ വിധേയമാക്കിയതോടെ ഭീഷണി വ്യാജമാണെന്ന്​ തെളിഞ്ഞു. സംഭവവുമായി ബന്ധപ്പെട്ട്​ ഒരു സ്​ത്രീയേയും കുട്ടിയേയും അധികൃതർ കസ്റ്റഡിയിൽ എടുത്തിട്ടുണ്ട്​. ഇവരെ ചോദ്യം ചെയ്​ത്​ വരികയാണ്​.