പ്രശസ്ത സാക്​സഫോൺ വാദകൻ മനു ദിബാംഗോ കോവിഡ്​ ബാധിച്ച് മരിച്ചു

പാരീസ്​: കോവിഡ്​ ബാധിച്ച്​ ചികിത്സയിലായിരുന്ന പ്രശസ്ത ആഫ്രിക്കൻ സംഗീതജ്ഞനും സാക്സഫോൺ വിദഗ്ധനുമായ മനു ദിബാംഗോ (86) അന്തരിച്ചു. പാരീസിൽ ചികിത്സയിലായിരുന്ന മനു ദിബാംഗോ മരിച്ച വിവരം അദ്ദേഹത്തി​​​​​െൻറ ​ഫേസ്​ബുക്ക്​ പേജിലൂടെയാണ്​ കുടുംബാംഗങ്ങൾ അറിയിച്ചത്​.

കൊറോണ ബാധ നിലനിലൽക്കുന്ന സാഹചര്യത്തിൽ മരണാനന്തര ചടങ്ങുകള്‍ ലളിതമായേ നടത്തുന്നുള്ളൂവെന്നും നിലവിലെ സാഹചര്യങ്ങള്‍ മാറിയ ശേഷം അനുശോചനചടങ്ങ് സംഘടിപ്പിക്കുമെന്നും കുടുംബാംഗങ്ങൾ അറിയിച്ചു.

1972ൽ പുറത്തിറങ്ങിയ സോൾ മ​ക്കോസ എന്ന ആൽബത്തിലൂടെയാണ്​ ഇമ്മാനുവല്‍ ദിബാംഗോ എന്ന മനു ദിബാഗോ ആഗോളപ്രശസ്​തിയിലെത്തിയത്​.
ജാസും പരമ്പരാഗത ​ൈശലിയും ചേർന്ന പാട്ടുകളായിരുന്നു ദിബാംഗോയെ അടയാള​െപ്പടുത്തിയത്​.

1933ൽ കാമറൂണിലാണ്​ ദിംബാംഗോ ജനിച്ചത്​. ദക്ഷിണാഫ്രിക്കയിലെ ലോഡ്‌സ്മിത്ത് മംബാസോ, അമേരിക്കയിലെ ഹെര്‍ബി ഹാന്‍ഹോക്ക് തുടങ്ങിയ പ്രശസ്ത താരങ്ങളോടൊപ്പം പരിപാടികള്‍ അവതരിപ്പിച്ചു.

മനു ദിബാംഗോ, സോള്‍ മക്കോസ, മക്കോസ മാന്‍ തുടങ്ങിയവയാണ് പ്രധാന ആല്‍ബങ്ങള്‍. ഗാന രചയിതാവ്​, സംഗീത സംവിധായകൻ, സാക്​സഫോൺ വാദകൻ എന്നീ റോളുകളിലൂടെ ആറു ദശകങ്ങൾ സംഗീതലോകത്ത്​ മിന്നിനിന്ന താരമായിരുന്നു ദിബാംഗോ.