മോസ്​കോ മെട്രോയിൽ ‘കൊറോണ നാടകം’; യുവാവിന്​ അഞ്ച്​ വർഷം തടവ്​ -Video

മോസ്​കോ: ലോകം കൊറോണ ഭീതിയിൽ കഴിയു​േമ്പാൾ ആ ഭയത്തെ നേര​േമ്പാക്കിനായി മുതലെടുക്കുന്നവരും കുറവല്ല. മോസ്​ കോ മെ​േട്രായിൽ കഴിഞ്ഞ ദിവസം അരങ്ങേറിയ ഇത്തരം ‘ക്രൂരമായൊരു തമാശ’ അതിരുകവിയുകയും ചെയ്​തു.

മെട്രോ യാത്രക ്കിടെ മാസ്​ക്​ ധരിച്ചൊരു യുവാവ്​ കെ​ാറോണ ബാധിച്ചി​ട്ടെന്ന പോലെ കുഴഞ്ഞു വീഴുകയായിരുന്നു. ഭയചകിതരായ യാത്രക ്കാർ ഇറങ്ങിയോടുകയും ചെയ്​തു. പിന്നീട്​ പൊലീസ്​ പിടികൂടിയ യുവാവിനെ കോടതി അഞ്ചുവർഷം തടവിന്​ ശിക്ഷിച്ചു. ഈമാസം രണ്ടിന്​ മോസ്​കോയിലെ ഭൂഗർഭ മെ​ട്രോയിലായിരുന്നു സംഭവം.

‘കളിപ്പിക്കൽ വീഡിയോ’ പതിവായി ചെയ്യുന്ന തജികിസ്​താൻ സ്വദേശി കരോമത്​ ഷബോറോവ്​​ ആണ്​ കൊറോണയുടെ ലക്ഷണങ്ങൾ കാട്ടി കുഴഞ്ഞുവീണത്​. ഇയാളെ സഹായിക്കാനെന്ന വ്യാജേന സുഹൃത്തുക്കൾ ഓടിയെത്തി. ഷബോറോവ്​​ നിലത്തുവീണ്​ പിടയു​േമ്പാൾ അവർ ​‘കൊറോണ വൈറസ്​, കൊറോണ വൈറസ്​’ എന്ന്​ അലറിവിളിച്ചു. ഇതുകേട്ട്​ യാത്രക്കാർ പരിഭ്രാന്തരായി ഓടുകയായിരുന്നു.

പിന്നീട്​ ഷബോറോവ്​​ kara.prank എന്ന ഇൻസ്​റ്റഗ്രാം, യൂട്യൂബ്​ അക്കൗണ്ടുകളിലൂടെ വീഡിയോ പ്രചരിപ്പിച്ചു. അത്​ വൈറലാകുകയും ചെയ്​തു. സംഭവം വിവാദമായതോടെ എട്ടിന്​ പൊലീസ്​ ഷബോറോവിനെ അറസ്​റ്റ്​ ചെയ്യുകയായിരുന്നു. പൊതുജന​ത്തെ പരിഭ്രാന്തരാക്കുംവിധം ‘തെമ്മാടിത്തരം’ കാട്ടി എന്ന കുറ്റമാണ്​ ഇയാൾക്കെതിരെ ചുമത്തിയിരിക്കുന്നത്​.

റഷ്യയിൽ അഞ്ച്​ വർഷം തടവ്​ ലഭിക്കുന്ന കുറ്റമാണിത്​. കൊറോണ ബോധവത്​കരണത്തിൻെറ ഭാഗമായാണ്​ വിഡിയോ ചെയ്​തതെന്ന ഷബോറോവിൻെറ വാദം കോടതി തള്ളി. ഇയാളുടെ രണ്ട്​ സഹായികളെ തിരിച്ചറിഞ്ഞതിനെ തുടർന്ന്​ അവരോട്​ മോസ്​കോ വിട്ടുപോകാൻ റഷ്യൻ ആഭ്യന്തര മന്ത്രാലയം ആവശ്യപ്പെട്ടു.