അബ്​ഹ വിമാനത്താവള ആക്രമണം: പരി​ക്കേറ്റവരിൽ മലപ്പുറം സ്വദേശിയും

ജി​ദ്ദ: ദ​ക്ഷി​ണ സൗ​ദി​യി​ലെ അ​ബ്​​ഹ വി​മാ​ന​ത്താ​വ​ള​ത്തി​ൽ ഒരാളുടെ മരണത്തിനിടയാക്കിയ ഹൂ​തി ഡ്രോ​ൺ ആ​ക് ര​മ​ണ​ത്തിൽ മലപ്പുറം സ്വദേശിയുൾപ്പെടെ നാല്​ ഇന്ത്യക്കാർക്കും പരിക്ക്​. മേലാറ്റൂരിന്​ സമീപം എടയാറ്റൂർ പാറ്റ ത്തുംപാറ പാലത്തിങ്ങൽ സൈ​ദാ​ലി(42)ക്കാണ്​ പ​രി​ക്കേ​റ്റ​ത്. ഇ​ദ്ദേ​ഹ​ത്തെ അ​ബ്​​ഹ​യി​ലെ സൗ​ദി ജ​ർ​മ​ൻ ഹോ​സ്പി ​റ്റ​ലി​ൽ പ്ര​വേ​ശി​പ്പി​ച്ചു.​ നെഞ്ചിനേറ്റ പരിക്ക്​ ഗുരുതരമല്ല.

സി​റി​യ​ൻ പൗ​ര​ൻ കൊ​ല്ല​പ്പെ​ട്ട ആ​ക ്ര​മ​ണത്തിൽ മൊത്തം 21 പേർക്ക്​ പര​ിക്കേറ്റിട്ടുണ്ട്​​. ഞാ​യ​റാ​ഴ്​​ച രാ​​ത്രി 9.10നാ​യി​രു​ന്നു സംഭവം. 13 സ്വ​ദേ ​ശി​ക​ളും ര​ണ്ട്​ ഇൗ​ജി​പ്​​ഷ്യ​ൻ പൗ​ര​ന്മാ​രും ര​ണ്ടു​ ബം​ഗ്ലാ​ദേ​ശു​കാ​രും പ​രി​ക്കേ​റ്റ​വ​രി​ൽ​പെ​ടും . ര​ണ്ടു​​പേ​രു​ടെ നി​ല ഗു​രു​ത​ര​മാ​െ​ണ​ന്നാ​ണ്​ റി​പ്പോ​ർ​ട്ട്​. വി​മാ​ന​ത്താ​വ​ള​ത്തി​​ലേ​ക്കു വ​ന്ന വാ​ഹ​ന​ങ്ങ​ളും ത​ക​ർ​ന്നു. 17ഒാ​ളം വാ​ഹ​ന​ങ്ങ​ൾ​ക്ക്​ കേ​ടു​പാ​ടു​ണ്ടാ​യി. റ​ൺ​വേ​യി​ൽ ലാ​ന്‍ഡ് ചെ​യ്ത് പാ​ര്‍ക്കി​ങ്ങി​ലേ​ക്കു വ​രു​ക​യാ​യി​രു​ന്ന വി​മാ​നം ല​ക്ഷ്യം​വെ​ച്ചാ​യി​രു​ന്നു ആ​ക്ര​മ​ണ​മെ​ന്നാ​ണ്​ ഹൂ​തി​ക​ളു​ടെ അ​വ​കാ​ശ​വാ​ദം.

സ്ഫോ​ട​ക​വ​സ്തു നി​റ​ച്ച ഡ്രോ​ണ്‍ പ​തി​ച്ച​ത് വി​മാ​ന​ത്താ​വ​ള​ത്തി​നു മു​ന്നി​ലെ റ​സ്​​റ്റാ​റ​ൻ​റി​ന​ടു​ത്താ​യി​രു​ന്നു.​ പ്ര​വാ​സി​ മ​ല​യാ​ളിക​ൾ ഉ​ൾ​പ്പെ​ടെ സ്​​ഥി​ര​മാ​യി ആ​ശ്ര​യി​ക്കു​ന്ന വി​മാ​ന​ത്താ​വ​ള​മാ​ണി​ത്. ആ​ക്ര​മ​ണം ന​ട​ക്കു​​േ​മ്പാ​ൾ നാ​ട്ടി​ലേ​ക്കു​ വ​രാ​നെത്തിയ മ​ല​യാ​ളി കു​ടും​ബ​ങ്ങ​ളും വി​മാ​ന​ത്താ​വ​ള​ത്തി​ലു​ണ്ടാ​യി​രു​ന്നു.

മകനെ യാ​ത്ര​യാക്കാ​ൻ എ​യ​ർ​പോ​ർ​ട്ടി​ൽ എത്തിയതാ​യി​രു​ന്നു സൈ​ദാ​ലി. എടയാറ്റൂർ ഡി.എൻ.എം.യു.പി സ്​കൂൾ അധ്യാപികയായ ഭാര്യ കൗലത്തിനും കാലിൽ ചില്ലുതറച്ച്​ പരിക്കുണ്ട്. മകൻ അകത്തുകയറിയ ശേഷം സൈതാലിയും കുടുംബവും റസ്​റ്റൊറൻറിൽ കയറിയ സമയത്താണ്​ ആക്രമണമുണ്ടായത്​. ഇ​റാ​ൻ പി​ന്തു​ണ​യോ​ടെ യ​മ​നി​ലെ ഹൂ​തി​ക​ൾ ന​ട​ത്തു​ന്ന ആ​ക്ര​മ​ണ​ങ്ങ​ളെ ശ​ക്ത​മാ​യി നേ​രി​ടു​മെ​ന്ന്​ സ​ഖ്യ​സേ​ന വ​ക്താ​വ്​ കേ​ണ​ൽ തു​ർ​ക്കി അ​ൽ​മാ​ലി​കി പ​റ​ഞ്ഞു. തീ​ക്ക​ളി​യാ​ണ്​ ഇ​റാ​​​​െൻറ​ത്.

ജൂ​ണി​ൽ 13 ആ​ക്ര​മ​ണ​ങ്ങ​ളാ​ണ്​ അ​ബ്​​ഹ വി​മാ​ന​ത്താ​വ​ള​ത്തി​നു​നേ​രെ മാ​​​​ത്രം ഉ​ണ്ടാ​യ​ത്. സ്​​ഫോ​ട​ക​വ​സ്​​തു നി​റ​ച്ച ഡ്രോ​ണു​ക​ളാ​ണ്​ ഏ​റെ​യും വ​ന്ന​ത്. 12ാം തീ​യ​തി ക്രൂ​സ്​ മി​സൈ​ൽ ആ​ക്ര​മ​ണ​ത്തി​ൽ ഇ​ന്ത്യ​ക്കാ​രി ഉ​ൾ​പ്പെ​ടെ 26 പേ​ർ​ക്ക്​ പ​രി​ക്കേ​റ്റി​രു​ന്നു. ക​ഴി​ഞ്ഞ​വ​ർ​ഷം മു​ത​ലാ​ണ്​ ഹൂ​തി​ക​ൾ അ​ബ്​​ഹ വി​മാ​ന​ത്താ​വ​ളം ല​ക്ഷ്യ​മാ​ക്കി ആ​ക്ര​മ​ണം പ​തി​വാ​ക്കി​യ​ത്.

ആ​ക്ര​മ​ണ​ത്തി​ൽ ആ​ദ്യ​മാ​യാ​ണ്​ ഒ​രാ​ൾ മ​രി​ക്കു​ന്ന​ത്. യ​മ​ൻ അ​തി​ർ​ത്തി​യി​ൽ​നി​ന്ന്​ 180 കി.​മീ​റ്റ​ർ അ​ക​ലെ​യാ​ണ്​ അ​ബ്​​ഹ വി​മാ​ന​ത്താ​വ​ളം. ഞാ​യ​റാ​ഴ്​​ച​ത്തെ ആ​ക്ര​മ​ണ​ത്തി​ൽ പ​രി​ക്കേ​റ്റ മ​റ്റ്​ ഇ​ന്ത്യ​ക്കാ​രെ​ക്കു​റി​ച്ച്​ കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​യി​ട്ടി​ല്ല. ആ​ക്ര​മ​ണ​ത്തെ​ക്കു​റി​ച്ച്​ യു.​എ​സ്​ പ്ര​സി​ഡ​ൻ​റ്​ ഡോ​ണ​ൾ​ഡ്​ ട്രം​പ്​ റി​പ്പോ​ർ​ട്ട്​ തേ​ടി. ക​ലു​ഷി​ത​മാ​യി​ക്കൊ​ണ്ടി​രി​ക്കു​ന്ന പ​ശ്ചി​മേ​ഷ്യ​യി​ലെ സ്​​ഥി​തി​ഗ​തി​ക​ൾ കൂ​ടു​ത​ൽ വ​ഷ​ളാ​കാ​ൻ ഞാ​യ​റാ​ഴ്​​ച​ത്തെ ആ​ക്ര​മ​ണം കാ​ര​ണ​മാ​വു​മെ​ന്ന്​ വ്യ​ക്ത​മാ​ണ്.

പ്ര​ശ്​​നം രൂ​ക്ഷ​മാ​വു​ക​യാ​ണെ​ങ്കി​ൽ അ​മേ​രി​ക്ക​ൻ സൈ​ന്യം അ​റ​ബ്​ സ​ഖ്യ​സേ​ന​ക്കൊ​പ്പം ചേ​രു​മെ​ന്ന്​ ക​ഴി​ഞ്ഞ ദി​വ​സം സൗ​ദി​യി​ലെ​ത്തി​യ പ്ര​ത്യേ​ക ദൂ​ത​ൻ ബ്രി​യാ​ൻ ഹു​ക്​ വ്യ​ക്ത​മാ​ക്കി​യി​രു​ന്നു. മേ​ഖ​ല​യി​ൽ ഇ​റാ​ൻ ഇ​ട​പെ​ട​ലി​നെ തു​ട​ർ​ന്നു​ണ്ടാ​വു​ന്ന കാ​ലു​ഷ്യ​ത്തി​നെ​തി​രെ വാ​ഷി​ങ്​​ട​ണി​ൽ അ​മേ​രി​ക്ക, സൗ​ദി അ​റേ​ബ്യ, യു.​എ.​ഇ സം​യു​ക്​​ത പ്ര​സ്​​താ​വ​ന ഇ​റ​ക്കി​യ​തി​നു​ പി​ന്നാ​ലെ​യാ​യി​രു​ന്നു ഞാ​യ​റാ​ഴ്​​ച രാ​ത്രി​യി​ലെ ആ​ക്ര​മ​ണം.