ബെയ്​റൂത്തിലേത്​ പൊട്ടിത്തെറിയല്ല, ആക്രമണം-​ ട്രംപ്​

ബെയ്​റൂത്ത്​: ലെബനാൻെറ തലസ്​ഥാനമായ ബെയ്​റൂത്തിലുണ്ടായ സ്​ഫോടനം വെറും പൊട്ടിത്തെറി​യല്ലെന്നും ആക്രമണം നടന്നിട്ടുണ്ടെന്നും അമേരിക്കൻ പ്രസിഡൻറ്​ ഡോണൾഡ്​ ട്രംപ്​. വൈറ്റ്​ ഹൗസിൽ മാധ്യമങ്ങളോട്​ പ്രതികരിക്കുകയായിരുന്നു അ​ദ്ദേഹം.

''നമ്മുടെ ജനറൽമാരോട്​ സംസാരിച്ചിരുന്നു. കെമിക്കൽ നിർമാണത്തിലെ പിഴവിൽ നിന്നുണ്ടാവാറുള്ള സ്​ഫോടനമായി തോന്നുന്നില്ലെന്നാണ്​ അവരും പറഞ്ഞത്​. ബെയ്​റൂത്തിൽ അക്രമണം നടന്നു എന്നു തന്നെയാണ്​​ വിവരം. ബോംബാക്രമണം നടന്നിട്ടുണ്ടോയെന്ന്​ സംശയമുണ്ട്. വിശാദാംശങ്ങൾ ഇനിയും പുറത്തു വരേണ്ടതുണ്ട്​​''-ട്രംപ്​ പറഞ്ഞു.

സംഭവം ​അക്രമണമല്ലെന്നാണ്​ ലെബനാൻ അധികതൃതർ വ്യക്​തമാക്കുന്നത്​. കാർഷികാവശ്യത്തിനുള്ള​ 2750 ടൺ അമോണിയം നൈട്രേറ്റ്​ പൊട്ടിത്തെറിച്ചെന്നാണ്​ പ്രധാനമന്ത്രി ഹസൻ ദിയാബ്​ അറിയിച്ചത്​.

വൻ സ്​​േഫാടനത്തിൽ 73 പേർ കൊല്ലപ്പെടുകയും 3700ലധികം ആളുകൾക്ക്​ പരിക്കേൽക്കുകയും ചെയ്​തുവെന്നാണ്​ റിപ്പോർട്ട്​. നഗരത്തിലെ തുറമുഖ പ്രദേശത്താണ്​ വൻ സ്​ഫോടനമുണ്ടായത്​. നഗരത്തിൽ മുഴുവൻ സ്​ഫോടനത്തി​​​​​​െൻറ പ്രകമ്പനമുണ്ടായി. മരണസംഖ്യ ഇനിയും ഉയരാൻ സാധ്യതയുണ്ട്​. മിനിറ്റുകളുടെ വ്യത്യാസത്തിൽ രണ്ടു സ്​ഫോടനങ്ങളാണ്​ ഉണ്ടായത്​.

ഒട്ടേറെ കെട്ടിടങ്ങൾ തകർന്നുവീണതായി അന്താരാഷ്​ട്ര മാധ്യമങ്ങൾ റിപ്പോർട്ട്​ ചെയ്യുന്നു. കെട്ടിടാവശിഷ്ടങ്ങൾക്കിടയിൽ കുടുങ്ങിക്കിടക്കുന്നവരുടെയും മുറിവേറ്റവരുടെയും ദൃശ്യങ്ങൾ പ്രാദേശിക വാർത്താ ചാനലുകൾ പുറത്തുവിട്ടു. ഇവരെ പുറത്തെടുക്കാൻ ശ്രമം തുടരുകയാണ്.